((خطا ابن جبار))
ياليت الخطا من واحدٍ غير ابن جبار=على شان اثمِّن غلطته صح وادبلها
لك الله مامشيها لوانه ماهوب خيار=صراحة لولا طيبه مانيب متحمِّلها
سمحت له يومنِّه له معزة وله مقدار=لكن ينتبه من غيرها لايطوِّلها
يقول اخذ في رفقة هل المرجلة فكسار=وذي صعبة عندي لو انه تساهلها
عسى من رضا في سومته شايبه في النار=لو انه يسوق اموال قارون باكملها
انا بضاعتي تفرق على بضاعة التجار=كبير البخت من كان يدرك وسايلها
رصيدي مرافق عزوتي وافي الاشبار=لا منه وقف عز القبيلة وجمَّلها
عسى الله يجيره من الصواديف والاقدار=وحياته على الطاعة عسى الله يطولها
الشاعر/ مشرع ذعار العوهلي |