للشاعر / طلال الحسيني الخريصي الشمري
قال هذه الابيات وهو يرد على شخص في الساحه الادبيه
بموضوع سخيف بعنوان (شمر قبيلة لم تنسب) !! .
فـ رد عليه شاعرنا الخريصي
بهذه الابيات الجزلة :
.
.
.
.
شمر هل الفزعات يامن نصاها=شمرهل الطولات واهل الجميله
شمرعزيزه والطنا في دماها=شمر شموخ ٍ والشرف ينتمي له
شمر سحابه واغرقتنا بماها=مافيه وادي بالبلد ماتسيله
شمر قبيله مايجرب سخاها=ماتهدي الا الغاليه والجزيله
شمر صناديد الوغى مبتغاها=عدوهم تصبح حياته ذليله
شمر جهنم تحرق اللي نواها=شمر نهر من سلسبيل لخليله
لقمان موصي بحكمته لسفهاها=وشلون تلقى وسط شمر هبيله ؟
شمر كبار صحونها ياقصراها=شمر وساع طعونها يانزيله
شمر شيوخ ٍ ماتراعي وراها=اهل الطبوع العاليه والنبيله
شمر ترى نور القمر من سناها=قبيلةٍ ،، ياحي ذيك القبيله
شمر هجير الصيف تصلي عداها=عدوهم ياسامعي عزتي له
شمر دهر في عين نذل ٍ غزاها=تصبح بعينه كل خضرا محيله
شمر قبيله ماتشح بعطاها=كبار العطايا ماتمد الهزيله
شمر فخر للي زبن في ذراها=هاك الشيوخ اللي عزيز ٍ دخيله
شمر شيوخ الجن ترجي رضاها=جنايز ٍ ماهابت الموت غيله
شمر كريمه والسيافا ضناها=شمر قبيله يالسنافي سليله
.
عندما فاضت القريحة !!
العرض العادي
