السلام عليكم ورحمة الله وبركاته
ايها المنتدى الشامخ بااعضاءه من شتى القبائل
اعتذر عن غيابي لسبب شخصي
والان حضرت ومعي هاذه الابيات المتواضعه نسجتها من هجوسي اللي يحب حايل واهلها
اهديها لكل من بهذا المنتدى عامه واسرة هذا المنتدى قبيلة شمر
اترككم مع ابياتي وعسى تنال رضى الجميع
ياهجوسي داملي بالشعـر مفتـاح ومسـار=اسعفيني ياهجوسي بفتـح ابـواب القصيـد
دامني مع كوكب افكاري وديـر اليستـدار=بشعل الضو الحقيقي وابتـدي حلـو النشيـد
قمت احس بداخلي شي كما البركـان ثـار=ثورتين ومن بعدهـا فجـر بطـان الوريـد
انتخيت وجاني الزلـزال مـع لفـة مشـار=وسط حايل والزلازل من هجوسـي ماتهيـد
قمت اخيل القاف نـادر بالمقـام وبالوقـار=واستعـاد الفكـر عيـده كنهـا بيـام عيـد
قلت يالقاف الجزيل ابغاك شيـخ ومستشـار=دامنا بحاجتك خلك يالسنافـي لـي عضيـد
قال لي حاضر ولك مني جزيـلات العبـار=حايلين واحمل شعار الكـرم ماهـو جديـد
قلت والله من كرم ناسـن يعـزون الجـوار=شمر اهل الطيب والطيبه لهم بيتـن مشيـد
وكل لابه ياجزيل القاف من غيـر احتقـار=تحمل رجالن لهم بالطيب مقنـاص ومصيـد
قال قلـي ياعميلـي نبـذة الهـرج الـدرار=قلت ابي توصيف حايل دام بأوصافه تجيـد
قال جـوه يبـري النفـس العليلـه بالنهـار=وان حضر ليل العتام الجو بالروعـه يزيـد
والسحاب الياتراكم تقـل تغنـج بأحتضـار=كل مازخ بسماهـا غيمتـه كرمـوش غيـد
وان بكت عين السحابه فوق اجاء سال العيار=في خيالي كن سيلـه لنحـدر سيلـن فريـد
مع شوارعها تقـل مكسيـه بـورد وثمـار=من نظافتها وريح الـورد بأنفـاس الزهيـد
كل شارع من شوارعها على الثانـي يغـار=وكل حين بالتطـور جـن تطويـره مريـد
والختام المعذره يزداد بالوصـف الشجـار=هاجسي يوصف ويطلب هل تبي لك من مزيد
اخوكم الشاعر/ سلطان سعد النومسي
انتخيت وجاني الزلزال مع لفة مشار؟؟؟وسط حايل والزلازل من هجوسي ماتهيد
العرض العادي
