قصيدة في مدح محمد عبيد الله الحربي (ابو مشعل)
هلا بالذي خصص مكان(ن) بجنب الدار......لضيفة وكبـّر مجلــس الضيف والعـــانـي
ابو مشـــعل اللي لا نصيته يشــــب النار......وينـْســيك همك وانت من قبل زعـــلانــي
اعلومه تســــر الخــاطر الحاير المحتار......يزورونه الشــــعّار مــن كــل الاوطــانـي
تنقى مكان البيت في مرفع(ن)واخــتــار......على شان ما يحتاج وصف(ن) وعنواني
بذل جــل مــالــه لـلمســـايــير والــزوار......عميد الجماعـــة والــقــرايــب والاخواني
الا ليت كل الناس مــثــلــه مــن الاخيار......اليا جا المســــيــر رحــبــو والــعمر فاني
اقوله وانا صادق ترى الطيب عنده كار......وعــــنــدي عــلى قولي دليل(ن) وبرهاني
تواضع لكل الناس ما عنده اســـتــكبار......كريم الســــجـايــا ما تـــدانــى ولا شــــاني
اليا جيت يمه تبغي النصح والاشـــوار......نصوح(ن)وشــــوره ينفعــــك كــل الاحياني
عزيز(ن)على كل الاجــاويــد له مقدار......ومن طيبته مــالــه مــن النــاس عــــدواني
تفنن بنظم اللغــز بالقاف والاشـــعـــار......وجــر الــربــابــة مــا حــلا ذيــك الالــحاني
بقلم/ ابو طارق الشمري