اقتباس:
المشاركة الأصلية كتبت بواسطة عيادة الجهيلي
راكب اللي ورّده مصنع الالمانـي=واحدِ صمم بلوفه علـى الحنيّـه
وقفته كنّه فكـر واحـدِ علمانـي=وان مشى شيخِ يتفّل على جنيّـه
الرساوه فيه كنّه تعـزم احزانـي=للمسافات الطويلة وعسف النيـه
المراتب كنها جلسـة الرهبانـي=عند كاهن ضاق صدره من السنيّه
مقْدمه صدق الرواية مع الالبانـي=والعلامـة كنهـا لوحـةِ فنـيـه
والاشارة غمزة اللي رحل ما جاني=اثّر غيابه علـى شبكة القرنيـه
والمرايا كف طفلة ابوهـا جانـي=لا تذرّت في يديها ورا الصينيـه
لون موكيتْه هدب واحدِ يهوانـي=هيه ياعمري نعم انتـي المعنيـه
بنز لاصك الزمن والغرام أضناني=ما حسبت عيون ساهر مع الامنيه
رص بنصه لم ريمٍ عجز ينسانـي=العلاقه بيننا مـن زمـن مبنيـه
حبها يمشي مع الدم في شريانـي=ضخ حبك في وريدي غلاء يابنيه
استمع لك وانتخيبك واجيكم عاني=واندهشبك والعتب يعزفـك غنيـه
ياصباحي يامسائي وكل اوطانـي=ياحياتي مهجتـي يانظـر عينيـه
|
شاعرالمنتدى أبوخليفة تسلم وصح لســانك ملااااييييين , لله درك على هذا التصوير الرائع
كتبت فأبدعت وأمتعت,دمت ودام إبداعك وتقبل أجمل التحيات.