ياهاجسي ياهاجسي موعدك حان=ماهي على ماقيل لعب وحزاوي
خلك على ماقيل في كل ميدان =بالمركز الاول الياصرت ناوي
يشكي على شاعر له الحرف يندان=شاعر على فن الجزيلات قاوي
ابن رخيص اللي لهم بالفخر شان=ربعي الياصارت صياح ونخاوي
اشوف يامحمد قليلين الاحسان=لبسوا على ماقيل بشتٍ حساوي
وراع الفعايل خايضن كل ميدان= اشوف زاويهم من الوقت زاوي
لاتامن الدنيا وأحداث الأزمان=امرٍ من الله يابوفيصل سماوي
واللي شكوا قبلك بالاشعار فرسان=اقلامهم تكتب قصيدن ايداوي
قبلان انا منّه تعلمت الاوزان=يبحث خوافي كل مغرم وهاوي
ومرزوق شعره بالمخاليق له شان=شاعر فصيح لسان مبدع وراوي
واقبل تحياتي عدد طش الامزان=ومن لايخاوي مثلكم لايخاوي
بدر محمد الخمسان