لاصار بالمجلس مهايط وكذاب = وعفن اللسان وكل شيٍ يجيبه
ولافيه حشمه للمسيّر والاجناب = وحتى كبير السن ناسن تعيبه
لاوخسارة من قعد به من اشناب = وي مكسب اللي ماحضر به طليبه
واكثر مجالس وقتنا كلها اعصاب = جمعا تجمع بين هزوا وغيبه
وصار الغريب مقرباً دون الأقراب = ومن له ولد عمٍّ علاقه مريبه
ولافيه لاناصح ولاواحدن عاب = "مصيبةٍ ي كبرها من مصيبه"
وانا م اواطن مجلسن فيه الأذناب= والله م أقعد لو غصبني غصيبه
والمجلس اللي فيه من كل ماطاب = والمجلس اللي من نصاه يحكيبه
وراعيه له وقفات ماتحسب حساب = طيبه مثل سيلا تضايق شعيبه
مجلس ابو ميعاد من يوم هو شاب = لليوم يشرح خاطر اللي يجيبه
ياما فرج لاقراب واجناب واصحاب = ي عل ماتركز عليه النصيبه
now#