يقول من له بالمثايل هوايه=له بالمثل ماقف وماكد ومقصود
بيوت على المعنى تجي بالكفايه=من راهي لطمه قوي ومحشود
لاوهني اللي دحر كل سايه=وجازا سواعيها مع الوقت بصدود
الظن ظن وكل حي برايه=والميت يلقى جزيته عند معبود
والمتضح بين الخلايق روايه=والمعتبر يلقى من الخير موجود
والناس ماتواخذ هزال الروايه=اللي ماهي من مظهر الحق والفود
نصيحتي يامهتوين الدعايه=ترك اللغا ومصاحبة كل نمرود
حيث الحيايا تشتهر بالاذايه=ماعاد لها امان ياراعي الجود
خل الخيوب مجمعين الوشايه=دام اكثر العالم جهيل ومعدود
ولاهناك حي عن هل المجد تايه=اللي بقوا في عزهم خيرة فهود
بفعل المراجل ياصلون النهايه=ماهي مراجل خمة ماله عهود
ميت ضمير وغربلته الهزايه=متصنع عن قمة المجد مجرود
ياعل هذا الصنف ماله عنايه=وعساه يبقى طيلة الوقت بنكود
حيث ان راع الظلم ماله سوايه=ياغير قول ليت اوجلب منشود
طاعة عظيم الشأن خير الوقايه=أخير من هرج التسابيب واهجود
كم واحد يفدا بنفسه فدايه=يصير من بين الهواريج مقرود
وكم واحد راحت حياته عدايه=اصبح ضحيه خاطيه مالها ريود
يتبع هوا نفسه وحاش الهفايه=خلد له الماضي مخاسير وانكود
من لا استشار الناس وقت الحرايه=يصبح مرده للمخيبة وملهود
الله يديم الامن واهل النقايه=اللي لهم في قمة المجد مجهود