انا اليامني نقيت اجمل القول=آخذ على علم الصراحة وكايد
لو كان مالدنيا مناويه وافعول=ما صارلاثبات الاوادم مجايد
مار ان كل عن مساعيه مسؤول=شي يعرفونه جميع البدايد
ومن جرب الدنيا من العرض للطول=ينبيه مفهوم الملا بالجرايد
ومن قال انا لي لا اظلم الوقت منفول=غلطان مايفهم جميع البنايد
ذي الصراحة والصراحة لها فصول=لافلس البرهان كذب الحشايد
اشوف ناس كنها مرمس الضول=وجروحها ماضمدتها الضمايد
اخير لو ساروا على نهج مدهول=ماتمشي الحيلات هي والردايد
ولا يقبل المهروج من غير معقول=ولاحرك وجود العباد الخنايد
كم من طريق ما وطى به ولا زول=ساقت على قاعه سمول وجدايد
والناس من خلقوا بهم روس واذيول=وفيهم رجال يهتوون الحمايد
ومقاطع الحقران ماهنا لها قبول=وش عاد لوهم يقلبون العوايد
ماهم بهم ولا بهم عز وانفول=حيلات نمس جردته العدايد
ومن يتبع الضايع خسر ساعة الجول=ولا يعتبر هيت الرعاديد سايد
لو كان له دوله ولابه ومكفول=شي بلا دليل يصبح سمايد
يضيع لامنه قضت ساعة الحول=وتكرم الاحرار عن كل بايد
اللي على درب التجاهيل مرسول=ماكن عنده في لظا الوقت سايد
ومخالف القانون في كل محصول=عليه لازم يشهدن البنايد
وماهناك شي ظل خافي ومجهول=الناس تعلم في جميع النشايد
ومن كان له جهد على اليب مبذول=فيه يتعلا عاليات الكوايد
الله يخارج من مقاصيد مغلول=خطو الخبيث اللي فعوله فسايد
اليوم خيباته مهاجيف واشمول=صدق على ماضي سندهن قدايد
ومن كان عن واجب هل الطيب معزول=اكيد ماهو حزة المجد صايد
والناس هم الناس والدور دايول=لا بيحت صدق السنين الشرايد