سنتين راحن بين حل وترحال=راحن كما صلف الهبوب وكتامه
وخمسة شهور كل ابوهن بالاكمال=فاتن كما نو حدر له غمامه
عديتهن عد على كل مدخال=بين الشمال وبين يمة تهمامه
نمشي بهالدنيا على كل مدهال=نجري بها بين الخطر والسلامه
نقطع فيافيها ونمشي بميصال=مع الرجال اهل الوفا والشهامه
وشفنا بها من كايد الوقت مامال=وشفنا بها من الزين بعض احتتامه
والآدمي مامور والوقت قوال=وهذي تصاريف الزمان ونظامه
احد على جاريه يصبر ولو قال=واحد منه دايم يسوق الملامه
تغيرت به ضحكة السن والبال=وغير مجاري لو لبه كل قامه
يبذل به المجهود من كل ميصال=وينشر خوافي واقعه كل عامه
ومن عادة الدنيا ومن طبعها الدال=تشرح خوافيها وتذكر علامه
وانا بها شاهدت في كل الاحوال=مثل اللذي غيري مرامي مرامه
وكم واحد شفته سرا فيه واهتال=وركب على بعض الاوادم ملامه
والناس تسلا بين الاقفا والاقبال=كل على منهج مشاحي دوامه
وسير الاوادم من عصر ماض الاجيال=يوم البخت بين الوضاح وظلامه
ومدام سادوا فيه ماضين الافعال=ماهنا على بعض المساعي ندامه
الوقت هذي عادة الوقت غربال=سرداب سيره بالسنين انصرامه
لاشك جعل الله على طيب الفال=يجعل لنا عند احتكامه قوامه
ولانحسب الزلة على كل رجال=ولا نجلب الحظ الثمين لهدامه
والله يجعلنا على حسن الاعمال=لا نصبت سود المنايا خيامه
امين يامنشي من المزن همال=ياعالم غيب البشر في معامه