اقتباس:
المشاركة الأصلية كتبت بواسطة عمار السعدي
رد على قصيدة الأخت الشمريه المجهوله اللي هي بعنوان( إهداء الى السيافا عامه والسعدي خاصه),,
سيّرعليّ احد أبناء عمي وكنت انا جالس على اللاب توب
وقرأت له قصيدة أختنا وقال ماأحدرد على قصيدته قلت ماسمعت
ان أحد راد عليه.فقال هذي تستاهل اللي يرد
على قصيدته .قالي جيب لي دفتر وسحب القلم من مخباه وجبتله الدفتر
وطلب مني ان اخلي قصيدة اختنا على شاشة الجهاز وبعدخمسه وربعين دقيقه
تقريباً قالي تعال اطبعه .وانا كتبت لكم قصه بقصيده
وتستاهل أختي الشمريه المجهوله..
سلام يانبراس كل الرعابيب=ياللي حويتي كل معنى اللبابه
سلام من قلبٍ خليٍ من الريب=وسلام للي جعل يسلم جنابه
شيهانةٍ من عاليات المراقيب=روس الروابي ماكره وأنتسابه
أخت الحرارمفتلين الاشانيب=بنت الرجال وبنت عم وقرابه
لك نظرةٍ تجتاح كل اللواعيب=وأهدافها كله رقــي ومهابـــــه
شدّتني أبياتك بفهمٍ وتهذيـــب=ومنطق فهم لوكان مامن غرابه
أنتي كذالك من رفاع المجاذيب=شمّرليامن أكثر القوم هابــــه
صفّاعة الغاوي على الخيل والنيب=في ساعةٍتوجب عليناالمجابه
بيوم عبوسٍ يطرب الضبع والذيب=جدع الجنايزمايحسب حسابه
يشبع بهانسرتدروش من الشيب =يسرح ويمرح عقب جو الكأبه
أسباب رد القاف شكروتوجــــــيب=وتشجيع لختٍ متّع الله شبابه
وإعجاب يوم ترتب القاف ترتــيب=وإرادةٍ في مثلها تنهقابه
من شاعٍر يخضع له القاف ياهيب=شاعر نضم ماهو بشاعر عتابه
|
الاخ الكريم
عمار السعدي
جزيل الشكر على النقل المميز للقصيدة الرائعه والجزله
التي اعتبرها وسام فخر اتقلده مدى الحياة
بلغ سلامي لاأبن عمك الشاعر الجزل مع شكري وتقديري
لـ شخصه الكريم
وصح لسانه وذاته على الرديه الجزله وليس غريب عليكم الطيب يااهل الشيمه والحميا والخصال الحميدة
وقد سبق ان رد على قصيدتي الشاعرعطالله جدوع السعدي
شرفتوني بردودكم على قصيدتي المتواضعه امام شموخكم ياعزوة الشمريه
دمت بخير وسلامه
رد: رد على قصيدة الأخت الشمريه المجهوله,,
العرض العادي
