توجٌد على عشيرة الدنادشة\ للشاعر: محمد ربيع الجندلي

ياليل وش لك بالنكد والغمومي = خلنـــي بحـــالي واجدات همومــــــي
يوم انا شوف مقصرالجديومي = وهو من قديم باعها برخص الاسعار
حسبي على دنياك صارت نهابه = الكل كشـــــر من هل الشـــــين نابـــه
واهل المكارم قوطروا كالسحابه = على الصقور تلايمن ذل الاطيـــــــــــار
اتذكر اللي مزينين التواريــــــــخ = دون الديار مكبرين المناويـــــــــــــــــخ
ياذلنا وحنا بدور الصواريـــــــــخ = ويا عزهم فوق اشقر الخيـــل ثــــــــوار
أخوات زرقا المترفين النشامــة = هيل السيوف الما تعرف الكهامـــــــــــه
بيض الوجوه وفوق هرج الملامة = الشاربين بغاية الطيــــــب وخيــــــــار
هيل الحيا والعز عز قديـــــــــــــمي = هيل القنا لفايــــــــة المستضيمـــــــي
وخيرا على من جا وجاور عميمي = والضيف كنه وسط اهاليه يختـــــــــار
خلي الفرنسي يسولفك عن حروبه = وش صار به ويحسبنها لعوبــــــــــــه
في ديرة من رامها زعزعوبــــــه = اخوات زرقا ترثة عميــــــــر وعرار
اخوالنا والخال ماهو بعيـــــــــدي = مانسى حليب البيض منهم وديـــــــدي
وديارهم لياواسعات النضيــــدي = وافخر بهم يوم السواليف تنثــــــــــــار
وين العيال ووين غاد فخرهــــا = بكفوفها قامت تغًيـــــــب قمرهـــــــــــا
تبي من التاريــــخ تمحي أثرها = جتكم سهيلة ارحموا كل مغــــــــــــوار
ومريت أني يا خال دربي على التل= قلبي على هاك المطاريح منعـــــــل
لين الديار ودمعها ساخن يهــــــل = مو بس أنت يا مولع القلب محتـــار
ومريت أني بالقصر قصر العزاوي = قصر الشيوخ محمد البيك خـــــاوي
عطيت اني بالصوت وين النخاوي = وين الصقر وين الطحاطيح الكبار
ياقرومها يامزبنين الضعيفــــــــي = ياسنودها يامعزبين الشريفــــــــي
علمي بفيصل وسط هاك المضيفي = ولا علم لي تبكي على الميت الحجار
ليا من شوف العين قامن يهلــــن = مفجعـــات يالربـــــع مايملـــــــــن
يابيك عقبك لطخن واستذلــــــــــن = ويالبيك عقبك ذاقن رنوق الامرار
من عقب صوت الصاهلات الغوالي = ماربطهن طايلين المـــــــــــوالي
عقب اشقرا يزها على الخيل عالي = وقبه سبوقا بالرضايف لها نار
قبه ليا من راح تمشي وحدهـــــــا = دون النعش مانشدت عن ولدها
تبكي اللي هو بالمريقب نشـــــدها = من دونها دباحة الخيل وســـوار
البيك يومن قالها لريش العيــــــن = ماني من اللي ياكل الزاد بصحين
قالت لو انت محمد البيك ياعفين = غر الريامه من الجحاجيح الاطمار
قال لاو ها الله ماتوسدين غيري = اللي علومــــــه عندكم يالغريري
امست باهلها واصبحت بالنعيري = اربع وصايف دونها تفض الازرار
من عقب ابو غره وهاك الشيوخي = صيتا ولا وايل على ايام دوخــــي
ونارا تزايد وهجها ماتبوخــــــــي = يقلط عليها الضيف والبن وبهــــار
من عقبهم من عقبهم واو ضيمــي = ودمع عيني وين اكفه سجيمـــــــي
يابيض هاتن من مدافيق غيمـــــي = وابكن على ماشافت العين بنهــــار
ومريت يم العين عين الكنوجــــي = ماعاينت خيلا بهاك المروجــــــــي
وهل دمعي فوق القبور موجـــــي = قبرا لشيخا مادرى عقبه اش صـار
قبرا لعبد الله يومن نشدنـــــــــــــا = يارجل منهم بالمجالس بعدنـــــــــا
قولوا لبو محمود ولى سعدنــــــــا = وتشيخت رذل الفلاليح بالــــــــدار
ولا سايلك وين الدلال الخشومــــي = وين الذبايح كل يومن بيومــــــــي
وين الرديني والمزو والرهومـــــي = وين الصديل اللي من الدم نثـــــار
وين الديار ودونها برق السيــــــوف = يا خيولنا دون العرب هدبهن زوف
طبيت انا حبال المشانق ولا خـــوف = نكتب لكم يا عيالنا طيب الأخبـــــار
ولا سايلك يا خال شيخ المعاذيـــــــب = ابن عمر العباس وش صار بالطيب
قلو دفنوه وما لقوله نواديــــــــــــــب = تبكي عليه وبدل الطيب بالعـــــــار
ابن عمر العباس علمه يطنـــــــــــي = يم الفرنجي اللي بعيدين عنـــــــــي
والله لو عينه تشوف التجنــــــــــــي = على فعوله غير يعلق بكم نـــــــــار
يعلق بكم من طايلات علومــــــــــه = الحاتمي اللي سولفوا عن حلومــــــه
يا خال كن طار العقل لا تلومـــــــه = تبدلت عقب النشامه هل الكـــــــــــار
وجنب عن اللي راح يم السلاطيـــن = أقفا يسوق العز هو والنياشيــــــــــن
لا ينشدك وش صار بالناس ياشيــن = تبي تقله خير مار الزمن جـــــــــــار
وجنب قبورا بتلكلخ غاد عن يـــدك = راعي الممرح أخاف انا اليوم ينشدك
اشتبي تقله عن قلبك يساعــــــــدك = هذاك عقله من توالي القهر طـــــــار
اش عندك ليامن سايلك عن عمامه = يا فلان وين الزوم وين الزعامـــــــة
وين الرمح يزها بريش النعامــــه = وين المخلوطة اللي على الشيخ تندار
يا خال جنب عنه جنب عيونـــــك = جنب قبورا ربعها يسألونــــــــــــــك
هذول كن جالهم خبر يذبحونـــــك = مامثلهم ماكر الشياهين واحــــــــرار
وجنب وجنب عن زعوط المجانين = لا يسمعك محمود يا مذرف العيــــن
وعن قبر أبو فياض لا ينشدك وين = وعن قبر حافظ اذرف عبار وعبـــار
وجنب لك الله عن قبر فيه نايـــف = وفايز وفاروق وكنج الرهايــــــــــف
وجنب عن قبورا بهاك التنايــــف = ومحمد التالي شجى كل مغــــــــــوار
قحوما من العباس موت المغيري = ذباحة الشغموم دون القصيـــــــــــري
لا واو عيني مثلهم ما يصيـــري = ولا واو عيني مثلهم قط ما صــــــــار
يا عين هاتي كل ماهل برقـــــــه = ابكي عليهم يالحزينة بحرقــــــــــــــه
ابكي على الفريس اخوات زرقا = منتي ببخيلة ولالك حجج واعـــــــــذار
ابكي هل العزوات واهل الرماحي = ومصقلا من بيض عوج السلاحـــي
ومثورات الموت يوم الصياحـــي = وابكي على سربا من الخيل وامهــار
يا من سمع صوت القرايا تنوحي = من عين ملا للنبع للبروحـــــــــــــي
بقاع المشاتي والحجر والشلوحي = يبكن هل العادات وجيه الأمــــــــــار
يا من سمع بالليل نوحا بعينـــات = يا نوح نعرة هيض الجعفريــــــــــات
والسنديانة طرشت يم الأمـــوات = عقب الصهيل تبدلن صوت الخــــوار
ابكي الصقلاوي قبل العبيـــــــة = وابكي على كحيلان والمعنقيـــــــــــة
ومدندشات شاربات الحميـــــــة = يمشن غوى ولا هلهلن بيض اللأطهار

 

 

 

 

 

 

 

 

 

 

تسلم يالدندشي 00
ونعم بالاجواد

 

 

 

 

 

 

 

 

 

 

مشكور دايم الزين على هذا المرور الطيب

 

 

 

 

 

 

 

 

 

 

والف نعم بـ ابناء عمومتنا الدنادشه في سوريا ولبنان
شكراً لك اخي الكريم على هذه الاضافه الرائعه
بارك الله فيك
..
.

 

 

 

 

 

 

 

 

 

 

حي الله الدندشي

وصح فكرك وذاتك

على القصيدة الرائعه

واسمح لي بأن انقلها الى مكانها المناسب

تحياتناااااااااالاخويه

 

 

 

 

 

 

 

 

 

 

وبيك يالسنجاري وهذا من طيبك يابن العم

 

 

 

 

 

 

 

 

 

 

مشكرة جدا ياأختنا الشمرية على هذه اللفتات الكريمة منك وانقليها حيث شئت
وســــــــــــلامتك