كتبت هذه القصيده البسيطه على عجاله قبل موعد السفر بساعة كنت بمطار الرياض وارسلت القصيده على جوال احدى صديقاتي وبعد مده جأني الرد من احدى البنات اللي تعرفت عليهن بـ رفحا
واليكم قصيدتي
الله على وقت ٍ قضيته بـ رفحا = من الروضة الخضراء لـ محمديه
على هبوبه العذب نسهر ونصحا = وبه لابتـ(ن) بالضيق تطري عليه
شمر ليوث الكون وذياب سرحا = ادمانهم بالدم شيمه وحميه
بالمرجله والطيب علمهم اضحا = عبدة وسنجارة والاسلم شفيه
وسط المجالس دوم اوجيه فلحا = اهل الطنا والمجد والغايريه
فراقهم ياهيه مايبرى جرحا = وادعيلهم بالخير صبح ومسيه
وقربهم ع القلب سرور ٍ وفرحا = تاج الفخر والعز للشمريه
بقلم الشمــــريه المجهــوله
اليكم الرد من احدى بنات شمر ( عزووووف )
مالوم انا الشعار لو غنوا بـ رفحا = ومالوم من يبغى شوفة خويه
ولا أنا مالي بها اليوم فرحا=ولاذقت فيها غير حر المنيه
اجر ويلي كل ماأظلم الكون وضحا= وحالي كما الخنسا بكت عين خيه
وياطحن قلبي يطحن اليوم بـ رحا = على حرارا فارقونا سويه
اشكي عليك الحال ياعيون وضحى = يانسل منهو مامشى بالرديه
يابنت عبده يافخر كل شقحا = أهلك هل الطولات الأوليه
يابنت دجلة ضاقت اليوم رفحا = تبكي على فرقاك يالشمريه
وســـــلامتكم
وصح لسان الأخت عزوف
شمر ليوث الكون وذياب سرحا .. ادمانهم بالدم شيمه وحميه
العرض العادي
