الاخوه القراء
هذه الابيات الذي خرجت من صميم قلبي لكي تلامس بعض مايحدث من صدف
وقلتها للسبب كان :
كنت في مجلسي وعندي رجال شرواكم ودق تليفون البيت يوم رديت
الا حرمه قالت لي هذا بيت عرب.... قلت لا هذا بيت كراد
اللي حدث انها قعدت تضحك ضحك فيه غنج ضحك يتل المشاعر ضحك الله لايوريكم
لين سجيت عن مجلسي وضيوفي.............
القلب غادي بالمواجع والاحزان=الله دخيلك ياحبيبي ومفتوق
والصدر يطعن فيه قيصر بميدان=تسمع زفيره يسبق حركته سبوق
من سبة صدودك تنوخن شريان=كل الزقاير علقنه تعلوق
ياغنج نجد انتي لا ياريح ريحان=ارخي علي شوي انا اسج واتوق
الله علي الله اجازيك باحسان=ولاشفت شي ٍ مير اطالبك بحقوق
يابنت انا مدمن على حبك ادمان=كني اروج حبك بداخلي شوق
وزود الكرم شرعلك القلب بيبان=وزود ٍ على زود الكرم يذبح النوق
والله اشوفك ضيف والضيف له شان=والشودحي مخلوق للضيف مخلوق
ايه اعترف ولهان ولهان ولهان=ولهان هك الصوت في كل طاروق
ودي اعبر عن احاسيس إنسان=إنسان لجل يهضم حقوق لحقوق
واخر كلامي منك زعلان شرهان=إما تصون القلب والا عن العوق
يامخذ ٍ وقتي على هاي كفران=ماني على هايك طريد ٍ وملحوق
جيش العرب والروم شبوه نيران=قلب ٍ يحبك وانت ماتطفي الشوق