تحيه الى المشرف العام
تحيه الى نائب المشرف العام
تحيه الى جميع الادريين في هذا المنتدى الرائع الشامخ
تحيه الى جميع اعضاء وزوار منتديات الطنايا
المشاركة هي ابيات مدح قليله في حق الشيخ /عماش عبد الهادي المفضلي الشمري
وقلت هذه الأبيات وأنا لم اراه ولم اقابله لحظةِ واحده لانني في منطقة الحدود الشمالية وهو في مدينة الرياض ولكن يتردد على مسمعي دايم في المجالس من الكبير في السن ومن الشباب هذا شايب يقول انه سجل ابني، وهذا شايب يقول انه نقل ابني وقربه لي،
وهذا شباب يقول انه سجلني ،وهذا شباب يقول انه نقلني الى منطقة اهلي، مع العلم انه مشهور في مساعدته إلى الشخص البسيط الذي ليس لديه معرفة بالمراجعات. وابو طلال معروف بأنه رجل المروائه والأنسانية طيبه حقيقي ليس فيه نفاق ولا اقول إلا الله يعطيه الصحة والعافية ،وعندما لاحظت في شخص يرز نفسه في المجالس ويعتبر انه هو الكل بالكل، وهو بالحقيقه عكس ذالك، حظرت معي هذه الأبيات القليلة في حق ابوطلال
.
فكر بنفسك زين لاتنشـدن ليـش=ياقلت تقصر عن هل الطيب يالاش
تزعم بنفسك ليه قلي على ويـش=ياصار ماتفعل مثل فعـل عمـاش
راع العلوم الطيبة عـاش ويعيـش=اللي فعل مثله على كـل ماحـاش
جاه وجاهن مع وجيـه المداغيـش=شانه رفيع وقلبه ابيض من الشاش
يكرم جنابه عن ربوع البخاشيـش=اهل الردا مابين واطـي وغشـاش
له فزعتن تروي كبود المعاطيـش=الوالدين اللي لهـم بـرد الجـاش
قرب ولدهم عقب طول المطاريش=من عقب ماهو لشوفهم دوم طراش
وكم من شبابن مالقى لقمة العيـش=خلاه يشري كل مـاراد بالكـاش
قلته ونا مايـوم شفتـه اولابيـش=يوم اشتهر بالطيب له هاجسي شاش
لولا غلى الطيب اقوله انـا ليـش=كله لجل مدحـن اقولـه بعمـاش
اخوكم/ ثامرعقيل الدعسان الشمري=