أ . الفاضل السكبــه
كل الشكر على الموضوع القيم عن شيوخنا الكرام الباشات
الذين يمتيزون بالكرم والطيب والتواضع والحلم
احفاد فرحان باشا شيخ مشايخ شمر
والعشر تنعام من هذه السيره المشرفه
للأسرة الكريمه وعلى رأسهم الشيخ المرحوم
سعود الزيد الفرحان ومن ابرز مميزاته الجود والتواضع والحلم
والشيخ أسعد الزيد الفرحان الذي يتصف بالحكمة والطيب
وخوالهم من عبده الويبارولهم مواقف انسانية لاتنسى
وحضرتني قصيدة كتبتها بمناسبة الانتخابات
لـلشيخ نواف السعود الزيد الفرحان
عضو البرلمان العراقي :
سلام يانسل الشيوخ السلاطين= سلام يانجل الرجال العظامه
نواف ياحر (ن) يسوق الشياهين= نواف ياصقر (ن) رفيع(ن)مقامه
علمك لفانا ياربيع المساكين=ومدح (ن) ماهو بشرواك جور وندامه
نواف نبع الجود شبه الفراتين=معرب الجدين خال وعمامه
من حق شمر تفتخر فيك هلحين=سلايل كحيلان وافي كلامه
تاريخكم نوماس بكل الميادين=من دور الحميدي وارثين الزعامه
ياشيوخنا دايم على الطيب عجلين=شوفاتكم مابين شيمه وشهامه
طاريكم نوماس عند الياوين=باشات ساس العز واهل الكرامه
باشات ابعاد الصيت ماهم خفيين=ماضي صروح المجد وحاضر سنامه
باشاتنا للجود أسم وعناوين=عفاف الشمايل صاحبين الفخامه
ياشيخنا جاكم كلامي بسطرين=ابشر ترى الزهيد شدة حزامه
لدعوتك ياشيخ شمر ملبين=واجب عليهم طاعته واحترامه
يالابتي تكفون فزعاتكم وين=نبي حضور الشمري والتزمه
واثني على قولي بصدق وبراهين=ماهمني قول الحسود وذمامه
وصلاة ربي عد عباد(ن)مصلين= على النبي المختار يوم القيامه
وسلامتكم
بقلم الشمريه المجهوله
واهديتايضا ً هذه القصيدة المتواضعه امام
شموخ سمو الاميرة
ملكة السعود الفرحان الباشا الجربا
حرم خادم الحرمين الشريفين الملك عبدالله بن عبدالعزيز
حفظه الله ورعاه
رد الجميل لـ دعوتها الكريمه
مدخل
كيف ابتدي في وصف بنت الرجاجيل=فيها اجتمع الطيب مع الاصاله
شبه الثريا منوره عتمة الليل=بعالي السما نرعاه وصعب(ن)مناله
هي مهرة(ن)تبرز على جملة الخيل=رفيعة الانساب صنعا السلاله
هي الربيع اللي على ضفة النيل=ونسايم الغربي وهبايب شماله
هي دلة القهوة مع ريحة الهيل=وهي الفرات العذب صافي زلاله
هي جوهر الناريز هي شيخة الجيل=يستاهله القرناس راعي الجلاله
بعد المحل هي ريفنا والمحاصيل=مثل القمر يضفي علينا خياله
سلام يابنت الشرف نسل الاجواد=بنت الشيوخ اللي عريب(ن)جدوده
شوق المليك اللي على الطيب معتاد=صقر العرب وقت الموازم يقوده
ملكة اساس الجود للخير ميعاد=يادرة(ن)بالكون نادر وجوده
يلي السعد في حضرتك حي يزداد =مثل المزون اللي تبارق رعوده
ماشفت انا مثلك معى كل الابداد=الوافيه اللي تنفذ وعوده
ريف اليتاما ترهي المال والزاد=حتى الكرم ملكة بعطاها تزوده
يانخوة المضيوم ومن جاك نشاد=يافرحة الينخاك وعزه وزوده
انتم نسل فرحان هامات واسياد= نبراس شمر والطنايا سنوده
وعبدالكريم اللي هزم جمع الاضداد= الترك حاربها وذبح جنوده
اللي حكموا من نجد لـ ,, حدود بغداد=وارض الجزيره مع قراها ونفوده
تاريخ حافل بالشجاعه والامجاد=مثل جبل سنجار عسرٍ صعوده
وسعود اللي للمعادين مرصاد=شيخ ٍ شهر صيته وشمر شهوده
ونواف ذيبٍا بالمهمات رداد= اثبت لنا وقت المصاعب صموده
باشات في يوم الوغى عز واسناد=رجال المنايا وبالمعاره اسوده
مخرج
انتي الفخر وفوق الفخر اسمك ينوف =يملهمه افكاري وقمة افراحي
فيك الشعر ينساب وتثني له احروف=ونهدي قصائد للأميرة ملاحي
صيتك لفا من دار حايل مع الجوف=مثل شعاع الشمس منور الصباحي
اعد انا الايام لـ ,, شوفتك ملهوف=حيثك امل دنياي وبلسم جراحي
يلي كسبتوا المدح بالطيب وسيوف= وهزمتوا العدوان بكل النواحي
ورباعكم ملفا مسايير وضيوف=كسارة الطابور طيور الفلاحي
قلته وانا من لابتن ترعب الخوف=نسل الطنايا مدللين الرماحي
وســــلامتكم
بقلم
الشمريه المجهوله