كان جناع القعيط نازل على جو يدعى مغيلث وكان معه قسم من البريك في ذلك الوقت وكان
المكا ن قريب من ديار قبيلة العقيدات وكان متوقع من قبل العقيدات وكان اكثر فرسان البريك
مع البل متوقعين الغاره على البل ومع النور الا ول اغار العقيدات على البيوت وكان يقدر
عددهم بالفين وخمسمائة خيال ونطحهم شرابي القعيط ودهام كنعان القعيط
وقال دهام للشرابي (قوم ماتنطح من كثره= فرد وين اودي وجهي من
عزاره وهي شاعره من البريك) وقتل الشرابي ابن جناع القعيط وصوب دهام في فخذه وفي هذه
الاثناء فزعوا البريك اللي مع البل وكان عددهم ثمانون وعندما وصلوا البيوت وجدوا فزعه
من العامود بقيادة هريسان ابن هذيل قبلهم عددهم ثمان وعشرون من العصلان وعشرة خياله
من القدور بقيادة سليمان العبهول وخمسه وعشرون من الهضبه بقيادة بردان ابن جليدان
وخمسه من زوبع يقودهم عايد السويحل(ابوالشايب) وقال ابو الشايب لايحظرني منها سوى بيتين
راكبن عيده ودزوني رقيبه = جابني هرج الضحا وطق الرماتي
يوم جيت جناع لنه منعديبه =شلوا القطعان من راس الفلاتي
ويقول عويد البرنامهالزوبعي احد ربع عايدوهو يتمنىالفزوع لاته فزع بدون
سلاح
عزتي لمن غدى دمعه مدرار = مامعه بارود يومي بالعبات
الزوبعيه ماأسمعه هاك النهار = لابتي غياب يوم الكاينات
ابوالشايب أنتخا مابه نكار = نفج البرزان من العوسجات
ولاخميس شوق من لبست غتار= ينتخي لعيون عسلوج البنات
وفزع فرسان من الصبحه عيال ذواد لا اعرف عن عددهم
وقال الدحيل ابن دبيان قصيده منها هذه الابيات
يالطيف الحال ياكبر الرميه = رغزوا مثل القطا باول رماتي
السيافا وردوا حياض المنيه= ورد صيد وارد يم الصراتي
كد ابوهواش برقبة السريه = شالو الصابور من راس النزاتي
وطاح ابن كسار من ربعه شفيه=ذوقوه الموت من عقب الحياتي
واستبسلوا في الدفاع مع ان كل شمر المتواجده لاتتجاوز المائه والستين خيال وكان النصر
لهم وتكبدوا الغزاة خساره مائه وثمانون فارس بينما خسائر شمر كانوا اربعة عشر فارس
1-شرابي القعيط
2-فياض القعيط
3-فاضل القعيط
4-هلوش الوليغي
5-مذري العود
6-اسود الحجوي
7-رديني الفنيفن
8-الادهم الحشاش
9- ابن ادهم الغشم
10- ابن زعيتر
11- من الجغايفه
12- من الجغايفه
13- الرعاط
14- حويدر الفضلي
رحمهم الله جميعا ورحم اموات المسلمين وهذه الخسائر من شمر كانت عند البيوت الذي لم
يتراجعوا قيد رغم زخم المهاجمين والف نعم من عيال الابرزلكن هذه امور قد جرت سابفاً
وقال محمد زكي الشيشاني قصيده طويله اذكر منها هذه الابيات
يوم العقيدي جرده سرج وشداد = على القعيط معندن يبي اذواده
ركبوا هل العوجا على قحص الأجياد= وحضرة ملايكة المنايا طراده
سووا سواة علمها عم الابداد =وكل زور ٍ قوموا به معاده
قيل فيها قصائد كثيره وهذه منها واولهم الدحيل ابن دبيان من الهضبه والثانيه الصليتي من الاسلم والثالثه لااعرف شاعرها والرابعه ونعم من العقيدات لكن معارك جرت
اخو نبهه شد اللي مهي ونيه = ماداني الهوز تمشي باللهبايب
غوش ربعي كما سباعً بالزويه= كاسرين القوم جابوها حطايب
أنتخى مدلول وبيده بيشليه = ايتم الرضعان وارملك يالشايب
ياأبن هفل غزوتك مهي هنيه = ترجف الحويان من رجد المصايب
===========================================
راكب حمرى زهى كوره = حمرا ومن الجيش منقيه
ادرع المحجان مع زوره = وانحر شمر وش طواريه
أبن هفل جاك مشهوره = طايفن يبي الحرابيه
مجرده الفين من زوره = الضحى جاهم جهاريه
جموعه رخم تنطح الدوله= امتلى العالي وواطيه
وأقفت القطعان مذعوره = عندها العيان قطعيه
يوم العوجا حن مقهوره= حاظرينه كل اهاليه
أخو مره صاح لصقوره = شانهم للطيب جديه
كم عديم يجدع الشاره = ليا تناخوا بالخميسيه
مبطي غوش البدو صباره = من دور ابو فرحان وبنيه
السيافا من عياموره = صاطوا القبله لغربيه
فوق مهارن مالهن جوره= طبوا سوق الموت بعطيه
شايب ليا ضاعت ابصاره = جعلها بجناع ماقيه
فزعت العصلان ماصاره =فرحت المضيوم بالهيه
اودعوهم لابتي بوره = يجدع البارود راعيه
لوزهى الكرخان بصدوره = فزعت الشويان ملويه
=========================================
راكب اللي روحت لها رزيم = والشديد زاهياً ركابها
انص أبو عبود دونه لاتقيم = وين ربعه وين كثر حسابها
قال أبن حنان حيث انه فهيم = استخر ولاتقد أسبابها
جناع لياسمع النذر مبطي يقيم = وابو طفله حلته عيابها
من طلوع الشمس للعصر الصغير = والسيوف مسللين حرابها
كم غلامً من السيافا له زحير = يدوي بالسربه وثم ادوابها
من نهج من لابتي بجنة نعيم = خذوا ثار صفوق وسد غيابها
وأنشد عن مدلول يعله سليم = يارخيص الروح ما نمابها
عند العوجا ينطح الرجل العديم = ويزهم الفريس لياأنتخابها
وأخو جحله والنشاما حاضرين = لابتي بالكون تهدي ارقابها
===========================================
بديت بخلاق غصـات الانفـاس =الله دخيلك عن مـوت الكسافـي
تجي المعاره تلقى عينة النـاس =سمر اللحى تسفي عليها السوافي
راح الشرابي ياذرى كل مرواس =ياحيف ياخيـال حمـر الشعافـي
مدلول يثني يوم الأرياق يبـاس =لعيون من قرنه على المتن ضافي
خلفة النصار مهم عرض النـاس =حريبهم لـو هـو بعيـد يخافـي