قصيدة للعوني

قصيدة - العوني - المشهورة وفيها يحث شمر على التكاتف والتلاحم ،
وقد فعلت هذه القصيدة مالا تفعله السيوف حيث أثرت فيهم وكانت سبباً في تكاتفهم وثباتهم :

عزي لقلبن كلما قرب الليل = عليه صارنّ الدقايق جلايل
أعتاض عن طيب الكرى بالتعاليل = بافكار واذكار وقولن وقايل
والعين كن ابموقها يدرج الميل = عيت تطيق النوم من فور جايل
على بني عمي سنادي عن الميل = نطاحة الكايد كبار الوهايل
أقفوا كما مزنن ثقيل المخاييل = من زاعج الغربي حدر له شعايل
شمر مقابيس المنايا هل الخيل = عصم الروايا مقحمين الدبايل
يادار وين اهل المهار المشاويل = أهل النزول اللي تعزّ النزايل
بكيتهم يوم ارتكم فوقي الشيل = وذكرتهم يوم اقبل الضد صايل
وصاح الصياح وطوّحن الهلاهيل = وهلت دموع امعكرشات الجدايل
وقلت ابشرن مادام بالعمر تمهيل = مادام مارزّت علي النصايل
لا تبكن الوحده وقل الرجاجيل = مادام عين الله علينا تخايل
وظهرت أنا باسم العصاة المشاكيل = لو هم قليلن يدركون الجمايل
هم حاصلي لا كملن المحاصيل = غوش الجبل خزنة غلامين حايل
باعوا عزيز العمر دون المضاليل = وحموا حماها مقدمين الفعايل
قالوا عليهم قلت زجوا هل الخيل = وقهرتهم غصبن ووردوها غلايل
وأدنيت هجنن يقربن المحاويل = هوجن هجاهيجن هجافن نحايل
علاكمن تطرب قلوب المراسيل = خفقات رقات صلابن جلايل
قلايصن عوصن صعاصع شماليل = من سلسلة نسل السباق السلايل
الصبح مدّن كنهن جولة الريل = فيحن علت من فوقها ارجال حايل
وصبح اربعن تلفي نزولن كما الليل = شمر اليا عدت فروع القبايل
أدنى بالادنى خبروهم بتفصيل = لا تسفهون اصغارهم والجمايل
ولازم اليا شافوا ركابن مقابيل = تلزمهم النشدات عن سكن حايل
قولوا لهم يامقبلينن على حيل = نجدن واهلها يطلبون الاوايل
جونا هل العارض بقومن كما السيل = يبغون دارن هابها كل عايل
وجرى لنا يومن بياطب به الشيل = يطيح ما تثني عليه الرحايل
واضفا على عكاش مثل الهماليل = ياطول ما حنا لهم بالاوايل
وين الطنايا وين شرابة الهيل = وين الجمال اللي تشيل الثقايل
وين السيوف اللي تعدّل عن الميل = وين الرماح اللي تحت كل عايل
وين النشامى والعصاة المغاليل = وجميع من ضربه تضيع الدلايل
نشرب بهم صافي القراح الشهاليل = وننزل بهم غصبن على كل طايل
غلبا ترى بلدانكم لبست النيل = تنخى الرجال امكرمات الاصايل
تنخى هل العاده كرام الاسابيل = يوم التعازي والدخن له صلايل
قلته وانا معكم على العدل والميل = لعل ما نعتاض عنكم بدايل
تمت وصلوا عد وبل المخاييل = على نبي الحق مازال زايل

 

 

 

 

 

 

 

 

 

 

شكرا لك يابو مازن

على ايراد هذه القصيدة التاريخية


تحياتي لك

 

 

 

 

 

 

 

 

 

 

الأخ/ الصريح

شكراً لمرورك .
تحياتي . ،،،

 

 

 

 

 

 

 

 

 

 

مشكور اخوي ابو مازن
ويعطيك العافيه

 

 

 

 

 

 

 

 

 

 

ابو مازن

السلام عليكم

الف شكر لأيراد هذه القصيده التاريخيه للعوني

يعطيك العافيه

 

 

 

 

 

 

 

 

 

 

الف شكر يا الغالي على إضافة قصيدة العوني والذي قالها على لسان الامير محمد بن طلال ال رشيد ( آخر أمراء حائل ) .

تحياتي لك يا أبا مازن ولا تحرمنا من هذه المواضيع الذي بالفعل تثلج الصدور .

أخوك في الله : محمد بن ركاد السنجاري الشمري .

.

 

 

 

 

 

 

 

 

 

 

الله يعطيك ألف عافيه ابو مازن على القصيدة

 

 

 

 

 

 

 

 

 

 

الله يجزاك بالخير والعافيه ..

ماقصرت على القصيده الرئعه ..

تسلم حبيبي ..

تحياتي لك ..

 

 

 

 

 

 

 

 

 

 

يعطيك الف عافية

 

 

 

 

 

 

 

 

 

 

مشكور الاخ ابومازن على هذه القصيده التاريخيه