السلام عليكم ورحمة الله وبركاته
مساكم الله بالخير ...
وتحية خاصة لأهل الشعر الشعبي ، وللمشرف العزيز / راعي الأوله
أنا بالرياض ،، وتشرفت بلقاء عدد من الغالين من أهل المنتدى
والبارح كنا نتقهوا عند آل نجيفان الكرام
وخبروني بخبر مفرح ..
فـ.. لاتستعجلون وتحكمون على القصيدة من أوله ..
تراني ماني راعي غزل
ولاني راعي قصيد
،،،،،
جيت أهني وابارك عقب عيد رمضان=وعقب عيد الضحيه يوم جتنا البشاير
من زمااان أتحرا هالخبر من زمان=ون نشدتو وقلتو : ياولد ويش صاير ؟
قلت : حرب(ن) ضروس(ن) واضحه للعيان=والعجب والعجايب كيف تعمى البصاير!!
صاحبي له عشيقه ،، عاشقه بافتتان=حَبها .. مثل ( شمر في قتيل الجزاير )
يلثمه بالشفايف بين حب وحنان=واجمل الحب : خلوتها معه بالسراير !!!!
غاليه ،، ون قظى .. صارت بـ ذل وطمان=وكل مازاد في حبه تزيد الخساير
قلت بعض العذارى بحر ماله أمان=قال .. لا يامطوع ،،، لاتذم الحراير
قلت يالعنبو حره تجيب الهوان=تجعل اللي فقدها بالتفاكير حاير
لو تشوفه تقول الشخص راكبْه جان !!=مضطرب منفعل مهموم والدم فاير
وصفهن ، عمرهن ، متشابهاتن سيان=كلهن وسط بيت(ن) يشبهن الضراير
قلت هذي بيوت(ن) ماعليها ضمان=مالها في أصول الباديه والعشاير
عشقهن يارفيقي مثل طعن السنان=جرح غاير .. وصل سمّه لوسط الضماير
قال ريحه ليا فاحت يعمّ المكان=أعشقه لو وصاله صار إحدى الكباير
ريحته في ثيابي في فمي والبنان=طيفها يانويت لهجرها جاك زاير
قلت فكر ،، ترا النجحان بالامتحان=يوم حسن العمل للعبد نعم الذخاير
للمواقف رجال الحزم والوقت آن=والنداوي نداوي مايجيب الكساير
عقب ذلك تحزم صاحبي واستعان=بالعزيز الحكيم المطلع بالسراير
حرَّر النفس ، واطلق للأصيل العنان=عقب ماهو أسير(ن) في سجون ....... الزجاير
وتم طوي صفحة التدخين والسيجاره
أسأل الله أن يثبتك ياعزيزي على الحق
وكم أتمنى من جميع الإخوة المدخنين الاقلاع عن هذه الآفة التي أوهنت البدن والروح
وترا الرجال مواقف
استعن بالله واتخذ القرار
وسلام خاص من الرياض العامرة .. إلى
أستاذنا الكبير .. شاعر الجزيرة
(( فواز بن نهير ))
وسلامتكم
ومن الحب .. ماقتل
العرض العادي
