ياراكب حمرا من الهجن مهذاب= جدعيةٍقطع الفيافي مناها
يا تقل ربدا عانقت را س مرقاب= كن الظواري تنهشه في قفاها
ليا تونت بس هوزه بمشعاب= ما دنق الرقاع يرقع حذاها
مرباعها بمفرع ثري وصواب= ليا ما تكامل مع شحمها قراها
فوقه غلام مايحسب للاجناب = صقار في عود اللحاوي جداها
ركبتها من ديرة الشام جلاب = أبي على اللي ثمنه واشتراها
تلفي لبو صلفيق سطام الاجناب =عوق الخصيم ليا تزايد عياها
سكر عسل حلو على الكبد لوذاب= سم على كبد المعادي سقاها
سبع السباع الفرزللحكم دولاب= وان عظمت كثر الدعاوي قضاها
لو هو على النهرين والشط والزاب= وإلاعلى مخزون مال فناها
ترى الثلاث اللي تقولون بذياب= ترى الثلاث عند فارس حواها
غاب النجم ونجم سهيل ما غاب=فارس على كل الجزيره غطاها
من فوق شقرا صدرها كنه الباب = شلفاه من دم المعادي سقاها
صفوق عقب له صيارم للاجناب = صواقع من عقب عمشا رماها