وصل الى أرض الوطن الشاعر المبدع إبن العم ممدوح المسطح القـنيـّاوي الشمري
قادماً من الشام بعد إنسحابه من برنامج شاعر الشعراء وقد أستقبله في مطار الملك خالد الدولي جمع من محبي الشعر كما هو موضح بالصور وهو يحمل علم المملكه وصورة خادم الحرمين الشريفين الملك عبدالله بن عبدالعزيز ال سعود كما هو موضح بالصور 0
علماً أن ممدوح المسطح رفض الإعتذار لقناة الجزيره حسب ماطلبت منه حكومة قطر رغم التهديد بالقتل ولكنه ثبت عند موقفه وكانت السلطات السعوديه وسفارتنا هناك أجرت الحمايه اللازمه والكامله له حتى وصل أرض الوطن حسب مانشر في جريدة الحياه المسطح حضي بتأييد الشارع السعودي
والرجال تبين بالمواقف وتثبت عند أقوالها كما فعل إبن العم ممدوح المسطح قال كلمته وثبت عندها ولم يغير موقفه ولم تزعزعه التهديدات كلنا فخر بما فعله ممدوح المسطح ( أبو فيصل )
بيّض الله وجهك
إليكم قصيدة الشاعر \ ممدوح المسطح الشمري
يادارنا سجّي مع الندّر الفيح = سجّي سجيج المقلصه والركايب
وإن زرفلوبك زرفلي للمدابيح = غـرّ المزون المدبحات الرقايب
خلّي مراميع الرجال المشافيح = ولدّي بعينك للوغا والحرايب
مايكسب الطولات كود الزحازيح =وألا الردي ماهو عن الطفس تايب
يالهامله يالهامله خلّي الشيح = الريع ريعي طيب وألاّ غصايب
على سنامك داب جـرّ المفاحيح = يفّح ويداعب نسيم الهبايب
والخرج به عقرب وخنجر وذرنيح = والطرش عنك أنحا نحيّ السحايب
بأطرف حجا النبنوب سامرتي الريح = إمسبّله للزيف شهب الذوايب
هجرس لك الخايب وذبّ المساريح = خبلن كبير شدوق والعلم خايب
إن هللّو هلل يرد التسابيح = وأن صفّـقو صفّق بليّـــا سبايب
وإن إفتلو وأستفزعو بالمفاتيح = ماهو على نقض الملازيم جايب
يالهامله سلك الخرز بالمسابيح = إذا إنقطع أضن مابه غرايب
والحنضله أحيان طبّ التباريح = واللّي جرعها من ورى الضيم هايب
والبرق قبل الديم للغيث تلميح = بس الحيا لاقيّض القيض شايب
قفّت سنينك والليالي مشاويح = منك العرب مابين طعن وطلايب
بقريح دجّي يالجزيره وبقريح = تنطــّحي لحيام سود المصايب
وأنتي ياداري مع هل الندّر الفيح = يوم اللزز خليك قبل الركايب
هذه الأبيات أهديتها للشاعر الرائع ممدوح المسطح بعد موقفه البطولي ويستاهل أبوفيصل
قالو تأسف قال تبطـون ويعيـد=هذا إنسحابي وأنتخي بأسم دوله
عاش القنيّاوي شمخ كنّه الحيد=سلم سلم ماقـال كلّـه بطولـه
سلمت ياممدوح يأبن الصناديـد=يبقى شموخك فوق مأحدٍ يطوله
موقف بطل ماهزّه أيات تهديـد=يعيش أخو بنّا ثبت عنـد قولـه
يعيش إبن مسطح سقام الأضاديد=صفقت له وأهل الوفاء صفقوله
عزيز نفس وبالوفا عاش تحديد=الطيب لك ياشبل نـوّخ ذلولـه
تسوقني يمّـك حميـاي وتزيـد=ياليتني في ماحصل كنت حولـه
حنّا معك ناطى كبـود الملاهيـد=لعيون أبو فيصل بيوتي أقولـه
يعيش إبن عمّي بهم جايب العيد=حبّة خشم يستاهله فـي فعولـه
إهداء لإبن عضيب والقاف تأكيد=وحنّا معك بأيات دوله وجولـه
فضلا ً لا أمراً بالصـــــــــور السعوديه تستقبل المسطح بكل الحب ؟
العرض العادي
