أهدئ القصيده للجميع وأتمنى اسمع النقد والأراء

[size=8]فرعون والنيل[/size]


مابين حكمة العقال وأفكار المهابيل
وحيرة سؤالن تاه : ماله أجابه
وبين الحزن والهم وذيك التهاويل
والعاشق المكسور وقصة عذابه
ومن بعد ذاك الحب وذيك المواصيل
مايعرف الأسباب وحظه غدابه
غيبة عديل الروح : من غير تعليل
مجروح قلبه : من صدمة غيابه
فرعون وش جابه على مية النيل
لولا القدر والحظ : وش اللي جابه
منهو يحلل لي : ويجيب تحليل
بعض المسائل لغز فيها وغرابه
الله على الذكرى في تالي الليل
حزة طلوع الفجر : وعند اقترابه
تضيق بي الدنيا ضيقة رجاجيل
ضيقة حزينن ضاق محدن درابه
وآخذ مع الأحزان جلسة تعاليل
وأسري مساري ليل محدن سرابه
الله على فنجال دله مع الهيل
في مجلسن وتسمع صوت الربابه
وتسأل على فرعون وسره مع النيل
بتلقى سؤالك :ماله اية أجابه

وسلامتكم[/size][/size]

 

 

 

 

 

 

 

 

 

 

صح لسانك يالصفوقي على القصيدة الرائعة

تقبل مروري

 

 

 

 

 

 

 

 

 

 

تسلم يالغالي وصحة ابدانك

 

 

 

 

 

 

 

 

 

 

ابو وسمي الصفوقي
صح لسانك يارائع على هالرائعه
تقبل مروري

 

 

 

 

 

 

 

 

 

 

تسلم يالمنيعي وصحة أبدانك
مشكووووووووووووووور

 

 

 

 

 

 

 

 

 

 

الله يسلمك يالصفوقي وصح لسانك كثير ع القصيده الطيبه
لاخلىولاعدم

 

 

 

 

 

 

 

 

 

 

تسلميييين يا أخت الصقووووووووووور
ولك فائق أحترامي يابنت الاشراف ومشكووووره