قلبي غدا في داخله الف بركان=والروح ذابت من صهاريج ناره
اليوم انا تايه وانا اليوم بلشان=وش حيلتي ما دام ضيعت داره
يابو نوره خيّك اليوم مرضان=باسبابها من يوم كز الاشاره
طفلٍ لباسه فيه فضه ومرجان=وكن الثريا من ثناياه غاره
سبحان ربٍ خالقه فيه له شان=وايضاً انا لي شان فيه الزياره
بدر الكواكب بالسماء واضحٍ بان=والارض هو نوره بليل ونهاره
من الساحل الشرقي إليا حد عمّان=العين عيني والشرايين داره
صحيح عاشق نوف والعين لي زان=نسيت زين النوف مع زين ساره
نافت على بنات نجدٍ ونجران=وزودٍ على ذلك علت فوق ساره
غروٍّ فتني في سلامه والاعيان=مهره اصيله دوّنت له شطاره
والله يالولى قولةٍ فيه حرمان=اجيه لو انه من الكون طاره
ما همني لو صنفوني من الجان=همي اجيه وعندنا له سفاره
كل البها عنده ولا فيه نقصان=النقص في غيره ولا قول جاره
الزين دوله عندي وفيه هويان=والعاصمه............وغيره خساره
وارجوك جب ردك وانا اليوم سرحان=ردك يرد الروح عقب إنهياره
[/B][/B]