قصة معركة الجرذان مع عنزه المشهورة بـ(سالفة الطلب)

نزولا عند رغبة بعض القراء والمشرفين بالمنتدى اجيب لكم قصة معركة قبيلة الجرذان من غفيلة من شمر مع عنزة
وهي انه عندما وخذت اباعر الجرذان وهي( 11) ذود من الابل
وهم نازلينن على (الشبكة)_بالقرب من مدينة رفحا_
ومن جملة البل الماخوذه بعارين للهجلي الشاعر المعروف
واللي خذا البل الجعافره من عنزه وعقيدهم الشقاوي
يوم سمعوا بالخبر اطلب البل سنجارة لكن أيسوا من لحوق البل ونكسوا
الا الجرذان وعددهم (15) ومعهم ربع من السلمان وعددهم (5) اطلبو البل ولا أيسو
هذا يدل على قو عزم الرجال وشجاعتهم وعدم صبرهم على الضيم
الوكاد ليلهم ونهارهم هجيج ورى اثره
ياما لحقوه على حد (حورن) _منطقة شمال العراق منطقة الرطبة_ وفكو البل
وزود(ن) على فكهم لقطعانهم خذوا جيش عنزه وعدده (90) ذلول عندما نصرهم الله عليهم



هذي الخطوط العريضة للسالفة ولا يسمحلي الوقت لسرد التفاصيل
لعلي ان شاء الله اجيبه لكم كاملة مكملة في وقت الفضا



الوكاد يوم رجعوا البل قصد الشاعر سحيمان بن فروان الجرذاني هذي القصيدة

جــانا البشـــــير وصــبح البال طــــربان جاب الرماحي له علوم(ن) نظيفـــه
أنا احـــــمد الله تو هـــــب الهــــــوا زان عـداد ما هـــلا المعــزب بظيــــفــــه
تحيزمو مـن فوق طلقــــات الايمــــــان ربـــع(ن) يبوجـــون الديار المخيفــه
لحقو عشايرهم على حـــد حــــــوران ماهم زواريــب(ن) قلوبــــه خفيفــه
ربعي مواردهــــم شــــــوردي ودمنـان وشلاش شوق اللي ثمــانه رهيفه
ويامروي عطشان النقوض ابو صرمــان ياشوق عسلوج(ن) يرش القطيفـه
وعفيت سلامين(ن) على الكود عيان والكل منهم شوق بنت عفــــيفــــه
وابــو كريــدي شــــوق ميـــــاح الاردان ياشوق من هي عن حليله معيفـه
حق(ن) تغز البيــــض في راس ما بان لفكـــــاكة الذود العفــــر هـو وليفــه
والنعـــم والله بالنــــواعس وفدعــــــان عــــذاب هجن(ن) لولحن السفيفه
يارسل كان انك على العلم شفقـــان ياحسين قدم للشقــــــاوي بضيفه
ماهي قصايـــــدكم براعي سلامــــان يوم انت بالضلعـــــان حدر الصريفــه



اما بالنسبة للاسماء التي وردت بالقصيدة هم كالاتي /

شوردي هو الفارس شوردي بن فروان
دمنان هو الفارس دمنان بن مزيريب
شلاش هو الفارس شلاش بن مزيريب
ابو صرمان هو الفارس معجل المورك
النواعس هم جريذي و نعيس من المياق
فدعان هو الفارس فدعان بن فروان

والعدد اكثر من ذلك اضافة الى السلامين وسوف اوافيكم بالاسماء ان شاء الله فور توفرها


هذا ما استطعت جمعه لكم ويعذروني اخواني اذا زليت بشي او نسيت شي


والسالفة اطول من ذلك كما اسلفت لكم

وهناك تفاصيل شيقة ومثيرة وبطولية داخلها

لكن اعدكم بها ان شاء الله

اعذروني على الاطالة والسلام

 

 

 

 

 

 

 

 

 

 

اشكرك اخي فواز على هذه القصه
والقصيده

بنتظار المزيد مما لديكم

 

 

 

 

 

 

 

 

 

 

قصة جميلة جدا
سبق وان سمعتها من احد الزملاء وهي قصة بطوليه حقا

اطلب منك طلب وابيك تلبيه
وهو القصيدة كاملة لان فيه ابيات ماذكرتها اللي يقول
لو ندنا فزعة .....و......
وابي منك اسماء السلمان اولاد الازمل وهم معروفين بفزعاتهم وبالخصوص للجرذان
تقبل مروري

 

 

 

 

 

 

 

 

 

 

هلا ابن جربوع بيض الله وجهك

سلمت يابو رفحا

ان شاء الله اجيب اسماء السلامين اللي معهم

بس عطوني وقت

اما البيت اللي تقوله يابو رفحا فأنا طالبك اياه يالبناخي


شاكر مروركم العطر

انتظروني

 

 

 

 

 

 

 

 

 

 

جــانا البشـــــير وصــبح البال طــــربان= جاب الرماحي له علوم(ن) نظيفـــه
أنا احـــــمد الله تو هـــــب الهــــــوا زان= عـداد ما هـــلا المعــزب بظيــــفــــه
تحيزمو مـن فوق طلقــــات الايمــــــان= ربـــع(ن) يبوجـــون الديار المخيفــه
لحقو عشايرهم على حـــد حــــــوران= ماهم زواريــب(ن) قلوبــــه خفيفــه
ربعي مواردهــــم شــــــوردي ودمنـان =وشلاش شوق اللي ثمــانه رهيفه
ويامروي عطشان النقوض ابو صرمــان= ياشوق عسلوج(ن) يرش القطيفـه
وعفيت سلامين(ن) على الكود عيان =والكل منهم شوق بنت عفــــيفــــه
وابــو كريــدي شــــوق ميـــــاح الاردان= ياشوق من هي عن حليله معيفـه
حق(ن) تغز البيــــض في راس ما بان= لفكـــــاكة الذود العفــــر هـو وليفــه
والنعـــم والله بالنــــواعس وفدعــــــان= عــــذاب هجن(ن) لولحن السفيفه
يارسل كان انك على العلم شفقـــان =ياحسين قدم للشقــــــاوي بضيفه
ماهي قصايـــــدكم براعي سلامــــان= يوم انت بالضلعـــــان حدر الصريفــه

ولد العم فواز بادي

يعطيك العافيه

وبيض الله وجهكـ


بانتظــار جديدكـ

 

 

 

 

 

 

 

 

 

 

كم هي رائعه أمجاد قبيلتي
.
.
لله دركـ
.
.
لآ تحرمنا نوادركـ
.

 

 

 

 

 

 

 

 

 

 

والله والنعم بعيال العم ولاهي غريبتن عليهم ..

أشكر يابن العم على ما اتحفتنا به ..

انا اذكر سمعت كم بيت للسالفه هذي بعد بس والله اني ضيعتها .

بس لو تجيبها لنا كاملة اشكرك .

دمت بود .

 

 

 

 

 

 

 

 

 

 

مشكور يافواز

تقبل مروري

 

 

 

 

 

 

 

 

 

 

شاكر لكـ طرح القصة الرائعة !!!

لا هنت ،،،

 

 

 

 

 

 

 

 

 

 

لا هنتو يالجميع
شاكر لكم مروركم العذب
الله لا يهينكم