قصـيده أعجبتْتني .. أجهلُ شاعِرَها .. قد يكون " طلال الرشـيد " .. وقد يكونُ غيرُه
مرّت الذكرى على شيخ الطنايـا=مرّت الذكرى وألوانـه حزينـه
عمّت ألوانه على كـل القرايـا=والمُدن وأرواح ٍ طبوعه رزينه
وش يجدد فرحنـا بعـد المنايـا=وش يغنّي فرحنا بعـد الغبينـه
العمر مشواااار وهمومه مطايـا=والقدر معلوم في وقته وحينـه
والصبر لولاه ضيّعنـا المزايـا=والأمل لـولاه ماشفنـا سكينـه
العَلمَ لا راح ما تفيـد السرايـا=كلمة ٍ ما جازت لأذني رطينـه
وقتنا لو شَـح ّ نهديـه العطايـا=وشمّر ٍ من خلقته كلّـه ثمينـه
انشدوا التاريخ تلقوونـه حنايـا=ضمّت علوومه ولا تقوى تشينه
الأمـل بالله .. وباقينـا بقـايـا=والدروب اللي ّ مشاها ما نهينـه
كنّه موصيّ على الدرب الوصايا=والوصايا تسكن نفـوس ٍ امينـه
قال : دربي شمعة ٍ للي ّ ورايـا=مثل ما الشمعه تحفّتهـا سنينـه
شمعة ٍ به جادت أسلاف لبرايـا=والبرايـا رددت لـه حافظينـه
عزّنا يبقـى ولا تهنـى النكايـا=وعاذله يشرب من القيعان طينه