قصيدة عويد الكركشي سيرة شمر الجزيره

في الخمسينات من القرن الماضي كان الشاعر عويد القرقشي

يسمع من الشياب تاريخ شمر اهل الجزيره ونزوحهم من نجد عام

1800م واختصرها في هذه القصيده

الله ياناهض شوامخ جباله = يااللي على ماباالمعليق كشاف
يااللي عفيت ايوب عن ماجراله = بعد الجفا جودك على الناس لطاف
ياما خلق من عين روحن وزاله = زعال فعال رحومن ورآاف
يبعث لنا من باب لطفه رساله =يجعل لنا باب به الرزق ينظاف
البارحه يوم الميازين جاله = يوم الثريا وباقي النجم هراف
صفق دليلي باالعوج والعداله = وظهرت انا من مشة الراس ميقاف
على الظعون اللي سريع مشاله = يبون شومات الظحى بين الاظلا ف
جهمان عصمان الشوارب افعاله = يتلون كواد المراديم هفاف
تقلقلت زيزوم غلبا دواله = وتقلقلت شمر من الكاف للكاف
حطت على هدف الغوارب رحاله = تلقى الخدم ياحدج الزمل تحتاف
ان غربت سنجار خشمه زماله = تقصفت عقب التشاريق عصاف
بغوا مرابيع سقى المزن جاله = بوارقه مثل الغنادير تنشاف
عقب الرعد كبت كلايف احماله = ظفت على راس الوعر والسهل طاف
برقه ينوض بجنح ليل ضياله = باطراف هطال وردوم وهتاف
مثل السعيره يوم ناض اشتعاله =تنظرخشوم الغيم طاف باثر طاف
تمطر على ديار السعد والجلاله = اللي عصينا به على سبع الاسلاف
ياما ذبحنا من نوادي رجاله = بين العبيدي والظفيري وعساف
والمنتفق خلت مظايف دلاله = تسرقت مثل المداوير جداف
واقفوا كما غربن تقطع حباله = وادوى المقام ومن شفا البير زلاف
ديار ابو فرحان ماحد دناله = من هيبته كل العرب ترجف ارجاف
كل المراجل راز حمله وشاله = صفوك مثل الموت للعمر قصاف
ليا بغى له حاجه وانتوا له = بتال مايرجع على البيت ميلاف
صفوق عز الشمريه وذرى له = وبل الثريا ليا تدفق باالاوصاف
يوم الغلى يرخص ذخاير حلاله = ماحاشت اليمنى يعده باالاتلاف
زيزوم عيان يحق الوفى له = اصل وفصال يجمع الميم للكاف
من دور نجدن يوم شمر بجاله = ظرب العيا عيوا على حكم الاشراف
زيزومهم مطلق زبون الشكاله = الاشمل اللي يذكرونه باالاوصاف
بين القصيم وبين نجد ارتكاله = وابن سعود وبيرقه عشر آلاف
ليا انطلق مطلق تزاود جفاله = تلقى العشاير للمخاليل عطاف
خيال من ذبت مطارق شماله = شره على ركن المداريع نساف
رام النفوذ ورام شرق وشماله = ورام الحفر غصبن على كل مزهاف
دار الخطر مانشدوا عن سؤاله = ترعى بهم حص الوبر نبت الارياف
ترعى بهم لو البيارق قباله = لو الحمر بيمرتع النيب ذراف
نجد جفتهم عن توالي مشاله = واقفى الجهام معزز الضيف ياضاف
يم الجزيره وحكموا به بداله =ذاقوا حلاويه عقب مر الاجناف
وتفرعنت واليوم وكلن حباله = واليوم كلن يدور به ميهاف

 

 

 

 

 

 

 

 

 

 

تعيش والله يا ((( ســنـــجــــار ))) بيض الله وجهك
قصيده رائعه ويستاهلون اهل الجزيره ..


بارك الله فيك يا سنجار وتقبل تحياتي :

 

 

 

 

 

 

 

 

 

 

خيال مـن ذبـت مطـارق شمالـه................زشره على ركـن المداريـع نسـاف
رام النفـوذ ورام شـرق وشمالـه.................ورام الحفر غصبن على كل مزهاف


صح لسانك الف وبيض الله وجهك

 

 

 

 

 

 

 

 

 

 

لاهنت يا سنجار على إضافة هالقصيده الرائعه للشاعر المرحوم : عويّد القرقشي

كل الشكر لك وتقبل خالص تحياتي

.

 

 

 

 

 

 

 

 

 

 

اشكر الا خ اورنس على مروره الكريم واقول بصراحه حنا نفخر باي شمري يسوي الطيب لو كان في اخر المعموره

الاخوه عواد ومحمد اشكركم على مروركم

 

 

 

 

 

 

 

 

 

 

مشكور أخوي سنجار على هذه القصيدة الرائعة للشاعر المعروف عويد القرقشي رحمه الله
نتمنى منك أخي العزيز أو أحد الأخوان إذا تعرفون قصة هذه القصيدة أن تأتون بها

 

 

 

 

 

 

 

 

 

 

قصيده رائعه ياسنجار
تسلم يدك اخوي سنجار

 

 

 

 

 

 

 

 

 

 

اشكرالاخوان راعي الكنب ومتعب الخريصي على مروركم الكريم على هذه الصفحه وللاخ راع الكنب بعد ان شعرت
شمر بضغط من الدوله قال عويد هذه القصيده يذكرهم بتاريخهم واخذ يستعرضه والقصيده له تتمه ولكني اختصرتها

 

 

 

 

 

 

 

 

 

 

مشكور اخي سنجار على القصيده ورحم الله عويد القرقشي

 

 

 

 

 

 

 

 

 

 

صح لسان الشاعر ونعم بشمر لك تحياتي اخوي سنجار مهند الخريصي الشمري