إليكـــــــم إخوتـــــي والأخوات هذه القصيـــدة ،
وهي للشاعر الدكتور شايم ابن لافي الهمزاني الشمري
لا واهني طيورهـا فـي عششهـا
ماقسمت رزقه على الدين والكـاش
تتبع هوى نفسه على كـل مشهـى
ما يوم من عفس التفاكيـر تنـداش
الطيـر ماتـدري خواطـر دبشهـا
ما تشوف ماتكره وتغضي بالإرماش
نصيحتي من زرع قلبـي حششهـا
اللي بصدره من هموم الدهر حـاش
النفس اليا من نـاب همـه نهشهـا
الى جالها من جاير الوقـت نهّـاش
اخفه وصدرك لو ضلوعك عرشهـا
لا تشكي اوجاع الضماير على اللاش
ايـام توفـي دينهـا فـي ريشهـا
تمضي وحنا بيـن نافـخ وفشّـاش
ناس علـى نـاس تنفِّـخ خششهـا
ونشـوف شيبـان تزاعـل بليّـاش
والشر لـه نـاس تنفِّـش شوشهـا
ويلولشون لطـاري الشـر لـولاش
دنيا دنيه لـو زهـت لـك بقشهـا
جودك وماجودك بلا جودها مـاش
إن عجعجت قشّـت علينـا قششهـا
وإن امطرت سيله للأجداث قشّـاش
لا يخدعك به رش بـارد طششهـا
خف من غرقها كان ميزانها طـاش
ماحد يعز النفـس حـزت عطشهـا
لو طول عمره بعزة النفس معتـاش
يرمي بنفسه فـوق فـارغ غرشهـا
ويمص من ناعم ثرى القاع واجراش
يخفي بصندوق الضمايـر غششهـا
ينفش لو في بعض الايـام يرتـاش
وسلامتكــــــــم ...
_______
ناس على ناس تنفخ خششها ..!!
العرض العادي
