المجلس اللي به اسماعيـل وسعيـد=ينعاف لو انـه علـى الكبـد غالـي
اسماعيل ماسمته سمـوت الاجاويـد-=وسعيدماداجـو عليـه الرجالـي
عيالك الضمـران والفـرس ياسعيـد=متـروك مالحميـض الاطعـاس والـي
انـا بـلاي مزهبـيـن البـواريـد=هـل البنـادق ميتمـيـن العيـالـي
مابيـن شمطـان اللحـي والأواليـد=نضت قـروم فـوق مثـل السيالـي
مركاظهـم ياسعيـد مابـه تصاديـد=دذباحـة الطيـب نـهـار الكتـالـي
تاتيـك جمعـات دروبـه مـواريـد-=تضيمنـا ياسعـيـد بالاحتمـالـي
ياسعيد لاتضرب علـى حبـة الديـد=شلفـا تسـل الـروح بالاشعـالـي
بديار فطمان البقـر مرتـع الصيـد=ماعندك اللي عـن حوالـك يسالـي
ياسعيد هرجك لـه مغيـر ومراديـد=توقر من الهرج الرخيـص الجمالـي
هرج على اكتـاف العـذارى مناقيـد=مايطيـب الصبيـان كـود الفعالـي
عرب جوابك يافتى الجـود ياسعيـد=عن قولـه ثـاري سعيـد استزالـي
عميـت يالسبـه جميـع القواصيـد=ماقلـت بالشعـار طامـن وعـالـي
عميت نمـر والمهـادي وابـا زيـد=عز الظعن حبـس الكميـن الهلالـي
ومشعان والطيـار وعقـاب وعبيـد=وعبدالله المصطور ماضـى الفعالـي
والعسكري ومصيغ وهديب ورشيـد=وحسـن حمّـاي الركـاب التوالـي
جمل وبن حثليـن والفغـم وفهيـد=وعنتر الـى ماعـدل الشيـل مالـي
وصعب اليا عدو صطـام الاضاديـد=وسعود ابن سعود راعـي العمالـي
وعرار وعمير هـل الكـود والكيـد=مخلين سروج الخيل أو يـا دوالـي
وحطاب اللي بالصحن ينفـض الغيـد=وبريـك محـي بالركـاب المسالـي
ورميزان هو والعرفجي ذاك أبو زيد=وساجـر مسـوي للذلـول النعالـي
ابن دعيجا اللـي كمـا بيتـه الحيـد=وابن سمير اللـي بقـرن الشمالـي
اللـي ركابـه حـادرات مسانـيـد=ابـن دعيجـا اللـي يفـك التوالـي
ومسفر ابن غازي ونومـان ياسعيـد=وجارد املضـي للشخيـل العلالـي
ونايـف دلال مـد لـلات المفاريـد=-وفهيد زبـون مجنفـرات المتالـي
والاشمل اللي مـن منـاه التحاميـد=ومطلـق مطبـق بالغديـر الزلالـي
وجديع خيـال السمـان المصاعيـد=-مودع مع الدعثور مثـل الغزالـي
طبع بهم ياسعيـد صـدر وتوريـد=وفهـق وتقليـطِ وفتـل وعـدالـي
ياسعيد انـا ثنـواي دون الأجاويـد=هـل الصحـاف ومتعبيـن الدلالـي
عشرين مع عشرين لا أنقص ولا أزيد=وافين من غيـر القصيـد الافعالـي
حتى انت مابك عن ربوعك مقاعيـد=وأنا بعـد مثلـك علـى قـد حالـي
حنـا عبـاة ولابابـطـه لواكـيـد=ولازاد حنـا بـالـدروب العـوالـي
صلاة ربي عـد ماهـل مـن عيـد=على شفيـع الخلـق عـد السهالـي