((اول ليا دقيت ردت على طول))

محاوله غزليه اولى ان شاء الله تحوز على رضاكم

يامـل قلبـن لوعـه منظـر الـزول=هـاك الغـزال بصـورة المودمانـي
متفردن بالعرض والنحـف والطـول=واللول صـارن فـي مكـان الثمانـي
والعين فيها صورة غـروم وزحـول=على ظهور الابل وسـرج الحصانـي
والشعر ليلن عـن حواجبـه معـزول=وريحة جديلـه عـودن وزعفرانـي
والخد فيـه الـدم يجـري ومسيـول=متفخـن مـن كـل صـوب ومكانـي
وشفايفـه ياويـش اخلـي وشاقـول=حـرام كنـه شاربـن تـو (شانـي)
ياحـول ياكـل البنـيـات يـاحـول=مـن زينهـا ياكـم بنتـن تعـانـي
زينه ذبحلـه عشـرة الاف مجمـول=مايدري ان زينه على النـاس جانـي
شفته صباح العيد في حلتـه (كـول)=في عيد الاضحي اللي مضى ورمضاني
ودقيت اباعايـد عليهـا وابـا قـول=عيـدك مبـارك ياخشيفـن رمانـي
واثره تغيـر راعـي المبسـم اللـول=وخان العهد والـود والحـب خانـي
اول ليـا دقيـت ردت علـى طــول=واليـوم مشغولـه مـع خـط ثانـي
مشغولتن عني وانا صـرت مشغـول=وقلبـي عليهـا يحتـرق ياخـوانـي
ولامر حول وراح حولن بثـر حـول=قلـت الله اكبـر ياهـذاك الزمـانـي
مير البـلا مـاراح زولـه ولايـزول=عن هاجسي ماراح لـو هـو ثوانـي
هاكالغزال اللـي تصـور علـى زول=زول ادمـي وهـو ماهـو مودمانـي

((سعود المشعل الضوي الشمري))

 

 

 

 

 

 

 

 

 

 

حي الله الأخ

سعود المشعل الضوي الشمري

وصح لسانك وعتلا شانك قصيدة رائعه

بأنتظار جديدك المبدع

الى الامااااااااااام

دمت بخير

 

 

 

 

 

 

 

 

 

 

الشمريه المجهوله،،،

صح ابدنك


ومرورك شرف

 

 

 

 

 

 

 

 

 

 

،،،،،،،،،،،،،،،،،،،،،،،،،،

 

 

 

 

 

 

 

 

 

 

صح لسانك ودمت بخير

بتوفيق من الاعماق والى الامام
ابيااااااات قمة الروعه

||||||تحيااااااااااااااااااتي||||||

 

 

 

 

 

 

 

 

 

 

صح بوحك ياسعود

 

 

 

 

 

 

 

 

 

 

صح لسانك وعتلا شانك قصيدة رائعه .

 

 

 

 

 

 

 

 

 

 

ونعم فيك .


صح لسانك ولاهنت يامشعل ..

 

 

 

 

 

 

 

 

 

 

صحت ابدانكم جميع


والله لايهينكم يالعزوه