الشاعر عبدالله ابن سبيل كان شاعر مشهور في الغزل في نجد وبعد ان سيطر الامير محمد
العبدالله الرشيد رحمه الله على نجد بكاملها توجه الشعراء للقرب منه وقال هذه الرائعه
بديت بذكر الله على كل ماطرا=مجيب الدعا معطي العطايا الجزايل
تركت الهوى ماعاد ابي طاري الهوى = ما قول الا بخيار قومن مثايل
ولاعاد لي في باقي الا شيا حسايف=أكود مشاهد راس شيخ بحايل
محمد سلطـان العرب موهـب الـذهـب = هو خير من تاتي عليه القبايل
تشّـد النضــا من كـل صوبن تجيـلـه = كما تاتي للبيت الشريف الرحايل
من جـاه يلــقى رغـبة في جــنــابه = ومن جاه مغلـّولـن يزيده غــلايل
شّهم على الدانين صعبّن على العدا = يكن عيونه صلو جمر الشعايل
ولا شي غير الخمــس مهوبعارفه = من قـّو شعشعته وبخصّه دلايل
فهيم عديمن يرهب القلب عارف = وكنه يقرى الغيب وامر الخصايل
صبورن على العليا دبور عن الخنا = جزوع رثوع ليا اوجس الشر مايل
من ريعته يوم الناس تمايلوا= واهل القصيم وبان هرج الصمايل
ذبح رووسهم والحي منهم بحبسه=خذيل ذليل بالردا والفشايل
وملك دارهم ومدارهم يوم دارهم = واللي شرد منهم رمى له حبايل
يصيدن حذرات الوحوش حبايله = ومصايده ماتدرك الا الجلايل
مثل رثعته بمطير ماهي خفيه = يومن يشيب مراضيع سود الجدايل
على ثرب يوم الله نوى ذهابهم = تمارح العزبات بين النزايل
عقب مبــانيهم وغالي حلالــهم = ضل الشرايــد يطــلبـونه زمـــايل
قطع روسهم واللي سليم بحبسه = واللي شــــد منهم جدالــه حبايل
هذا جزاهم يوم يدخل عقولهم= على مثل عمل ابليس ماهوب ضايل
اطاعوا من لاسرهم يوم ضرهم =غشوم يشوم عن القريب الموايل
كثيرات رثعاته قليل سليمها = وليا طنا مايستمع للعذايل
وليا بغى امر مايداري عواقبه=يجي له دجران من الغيظ شايل
لياشال غيظه يرذي الخيل والنضا=تطول بواريده بعيد المخايل
فيما يغيظ الغيظ إلا على العدى=بيوم يغطي الشمس قبو الدبايل
تضع منه ذات الحمل والمرضع اذهلت= لكن فوق كبودهن الملايل
على شفايا فرق البين شملهم =على راي من لاهوبعنهم مسايل
لياخرب الله شملهم ثم خربه=يصيح وسيع البال والغيظ زايل
اخذ مال ماحساب يضبط حسابه = وجوز عزبان وطلق حلايل
مثل مامضى ماهيب غر فعايله= ولاخير باللي مامضى له فعايل
يهاوي ليالي الشبط مع كثحة الشتا= ومن كثحة الجوزا يهاوي القوايل
لياعثا بالشرق والغرب واليمن= وطاعوا وراعوا عقب ذبح وسحايل
تجاحرت حضره وبدوه تخامروا =كل يحسب ويش له من خمايل
ومرهم وحذرهم وهادوا وهيدوا=وصغوا له وزكوا له بليا فضايل
تعدى هقاويهم وضيع هجوسهم =يبي عادته على اخباث الدغايل
لكن يوحي له من الله لياعدا=يعرف مصارعهم وماهوب نايل
ناس ينفعهم وناس يضرهم= حليم بحال وحال عبث وعايل
وليا عال مثل الموت مامنه مفر=ولياعطى يعطي المهار الاصايل
صخي منا له كلمته من لسانه =مرده على الكتاب يغني قبايل
عساي من اللي مايقصربحقهم=عنيت لفضله والمشاحي قلايل
شفاتي لياجيت اتحدث بمدته=قدام اجاويد العرب والرذايل
ولارايح من عنده الابواجبه = وعاني لفضله مثل راعي العدايل
نفاذ لماله مثل ماقال والده=عسانا مانعتاض غيره بدايل
ولافرد يوم قلط الزاد قافر= عليها ظهور الخور والسمن سايل
وضواين جوف المتوع متقاضبه = كنه مع الشاوي عطين الثمايل
على ابيار عوهات وساع مجاذبه= ولايشربون الا بشط ومحايل
اعدد خصال الجود وازريت اعدها=اثر مايحسب جوده الا الهبايل
شجاع تورخ بالاماكن فعايله = كما ارخوا للسلف الاول فعايل
هو خاتم الشيخان لا شيخ بعده = شارت سميه نزّلــت بالــرسايل