يقول رسول الله صلى الله عليه وسلم : ( من
دعا إلى هدى ؛ كان له من الأجر مثل أجور من تبعه ؛ لا ينقص ذلك من أجورهم شيئا ،
ومن دعا إلى ضلالة ؛ كان عليه من الإثم مثل آثام من تبعه ؛ لا ينقص ذلك من آثامهم
شيئا ). ويقول عليه أفضل الصلاة وأتم التسليم : ( الدال
على الخير كفاعله ).
أحد شيوخ آل الصباح يتحدث عن الهزيمه الموجعه بالصريف ...!!
يتحدث الشيخ عبدالله الجابر الصباح في هذا المقطع النادر والقديم
عن عدد البيارق التي كانت مع الشيخ مبارك الصباح في ملحمة الصريف الخالدة .
ويؤكد أن الشيخ مبارك ومن معه هم من فكّروا وغزوا حائل ....
وأن الشيخ مبارك ومن معه إنكسروا في تلك المعركة .
لنستمع :
.
.
.
رحم الله الامير حمود العبيد العلي الرشيد ،،
الذي قال بعد فرحة الإنتصار :
عزآه ياقلب من العام ملهود=ولا جت علوم الغزو ينساح باله
وإليا أبطوا الطرشان تلقاه منكود=مثل العضيض اللي يحسب لياله
والله لولا حبكم يافتى الجود=لا حج بيت الله واصلى قباله
يالله ياللي للمخاليق معبود=يا الواحد اللي كل حي يسأله
تجعل سهمنا يمت الضد مقيود=بسلامة اللي وافياتٍ اخصاله
عبدالعزيز اللي على الحرب والكود=يصبر كما تصبر عرايب جماله
عطاه ربه خلةٍ مثل داوود=ليّن قلـــوب الترك له وإستماله
الله يعين الخيل ويقوي القود=عليه لا منه تعلّى رحاله
من العام غزاي على خير وسعود=ما ديرة إلا نبا له ظلاله
ماكن له في حايل فرش ماهود=ومجالسٍ وان جيتهن حي فاله
والى فتق فتق وهو كان مسدود=مثل الجمل يقطع بزوره شماله
شرّه على نفسه وحنا لنا الزود=يذبح بحيل الله ويوخذ حلاله
وإن ما مضى شي ترى الحكي مردود=( إنشد بريده وانشد اللي حواله)
إليا من امير خان بالحلف وعهود=امارته على يدينا زواله
((واللي تمنا حربنا ماهوب مردود=من حربنا ما حصل إلا الرزاله))
تر حربنا مثل البحر ما بها زود=الغبه اللي موجها فوق جاله
داخله مفقود وطالعه مولود=ما اهبلك ياللي خابره وتعناله
وش عندنا يالربع لدعيج وحمود؟؟؟!=وعريب دارٍ يوم تطرد اشغاله!!
يقول مالي يوم اجي نجد مقصود..!!=إلا الأمير احولُه من جباله ؟؟
وابوه ما كبر فزته يافتى الجود=وابوه لو هو حالمه كيف قاله
هو ما درى أن اجبالنا الحمر والسود..؟!=عين على الطباخ في كل حاله
وابوه مانا خابر يطلب العود=ولا عندنا له قالةٍ به مقاله
غرّه سلاحه خمسة آلاف بارود=(ومطير) و(سبيع) و(يامٍ) صياله
مثل الحبوش اللي يسوقون محمود=وأهلكهم الباري بعزة جلاله
نقلهم الله لين جو حول أبا الدود=ومن دمهم هاك الطعاميس ساله
حاموا عليهم بالبواريد وفرود=ومبارك ٍ نجاه ربه الحاله
ماله شبيهٍ كود فرعون العود=اللي نجا والقوم غرقة قباله
وفرعون المذكور وإبليس وقرود=أطيب منه وأذرب منه في فعاله
ما هاب من ربه ولا خاف منقود=أمّه لقع قلبه وشمت بخاله
شيبان أخوانه مصلين ورقود=في فرشهم ذبحوا بليلٍ غياله
وإن كان عند أمه جنيهات وعقود=لازم يغوله مثل غولة عياله
ونكس على ربعه يخسره بمنقود=من لا ذبح منهم خذا شطر ماله
((خلّوه بكويته )) وراحوا على النود=وكلٍ زبن له ديرةٍ في حلاله
التوقيع
جـــولـــه فــي عــقـــول الآخــريـــن !
آخر تعديل محمد بن ركاد يوم 2009-11-13 في 08:07 PM.
رد: أحد شيوخ آل الصباح يتحدث عن الهزيمه الموجعه بالصريف ...!!
ابن صباح ماعد الا الصحيح وبارك الله فيه اعترف بالهزيمة وهو من اسرة حاكمة والله لوهو من البادية الي انا خابر كان جحد كل شي وقالك ان ابن رشيد انهزم بالصريف؟؟؟؟
الغريبه انه عد الشريفات والجوارين مع القبائل الي حاربو ابن رشيد وشمر علما انهم يدعون انهم من قبيلة شمر؟؟ ياليت تركزون بالمقطع يمكن مافهمت زين
رد: أحد شيوخ آل الصباح يتحدث عن الهزيمه الموجعه بالصريف ...!!
اقتباس:
الغريبه انه عد الشريفات والجوارين مع القبائل الي حاربو ابن رشيد وشمر علما انهم يدعون انهم من قبيلة شمر؟؟ ياليت تركزون بالمقطع يمكن مافهمت زين
لا ماشاء الله عليك فهمان ومصحصح ههههه
عنوان المقطع
الشيخ عبدالله الجابر الصباح رحمه الله يذكر معركة الصريف ومشاركة الشريفات بها
وصاحب الموضوع ابوعثمان الشريفي
وذكر من ضمن الي شاركو مع جيش اهل الكويت سعدون السعدون شيخ المنتفج ( الزياد ، البدور، بني حسين يعني خلق الله اتباعه الجوارين ، الشريفات) خلق يغزون عبدالعزيز بن متعب ابن رشيد...؟
ماعندي تفسير ولاكن مجرد تأييد للاخ الربع الرابع
يقول الامير حمود العبيد
شرّه علـى نفسـه وحنـا لنـا الـزود @ يذبـح بحيـل الله ويـوخـذ حـلالـه
وش يقصد بقولت شره على نفسه وحنا لنا الزود ؟
وابوه مـا كبـر فزتـه يافتـى الجـود @ وابـوه لـو هـو حالمـه كيـف قالـه
هو ما درى أن اجبالنا الحمر والسود @ عيـن علـى الطبـاخ فـي كـل حالـه
ووش يقصد بقولت وابوه ماكبر فزته << ابو من ؟ هل هو ابو مبارك الصباح او شخص آخر؟
واخيرا وش يقصد بقولت عين على الطباخ << الطباخ منهو؟؟