((أعزائي القراء والمتابعين عندما يثور بركان الحب في داخلنا
تفيض القريحه بما يكتب القلم لكم عسى ان ينال اعجابكم ولكم تحياتي))
تركد ياولــي البنت واعرف ماتقول شفاك = واخذها من صديقاً مابغى في قولها منه
توقع لاتفرعن ثم تفقــد من بعدها اعضاك = وقبــل لاخلــي أنيـابك لسانــك ذا يقصنـه
أنا احــذرك لاتنشب معـي ثم تبتـدي بلـواك = ترى من يعتـرض دربي خواته عام يبكنه
وكل انسان له عشقه واظن العشق مايخفاك = وعشقـي تعرفـه أنتــه ونظــراتك يعرفنـه
وخلي لو وصفنــا جرت اقدامه تــرى كفــاك = حبيباً ساكنن فـالقلـب وضلوعــي يغطنــه
آبه نحياء ويحيا كل غالي وان حضرت احياك = ولـو يجلس وقفنــا كلنــا والبيض حينــه
ولــو يحكـي حكـت كل الحكــايا والغــلا حاكاك = ولو يسكت سكوته سكت اللي جن يحاكنه
ولو يضحك ضحك من ضحكته طفلً يتيم أبكاك = ولو أشر برمش العيـن من حوله يطيعنـه
احبــه حبـاً أكبــر من كلام النــاس في دنيــاك = واحب اشطب من الدنيـا وجيهن مايحبنـه
حبيبــي أهـ.. لــو كفـي أحطــه ليــل في يمنـاك = وابادلك الغــرام اللي ضلوعــي مايبيعنــه
اجي كلي على صوتك من اليمنى على يسـراك = واقول أطلب حبيب الـروح وعيوني يلبنـه
ابيـع العمــر كلــه ياحيـاتـي والمهــم أرضــاك = واقول انظر كرات الـدم أسمك كيف شالنه
ولو طالت ليــال البعــد بغيابك حشـا ما نسـاك = لجل حبك غشـا قلبي وبعــروقي يضخنــه
متى تلطف بنا الايام من عقب الضماء ورواك = وسمعك القصيد اللي من أجلك زاد به فنه
تجيلــك مفـــردات الشعــر خظـع كلهــا تنخـاك = تقول عيونك الخرسـا بيوت الشعر طاعنه
أجل وش عـاد لـو أن الـزمن يامـر على لامـاك = وعلى صدرك أجـي طفــلاً وكفينك يظمنـه
تــرى لـو هــو على كيفـي تمنيت القبــر وايـاك = ولو عشنا سوى بتشوف شيئاً ما يشوفنه
وأنـــا ما نلام فــي حبــك تريث نعنبـوا مجنــاك = مــادام عيونـك لقتلي سهــام الموت شننه
تدلل نعنبــوا شخصـاً عرفـك ولا صـرخ نفــداك = عسى شهب الليالي ون دلـه عنكم يصكنه
انا وشلـون مـاقـف واعتـزي لامــرني طـريــاك = وانا اشوف العيـون دموعهــا لجلي يهلنه
قسم بالله لا أرخص كل غالي في سبيل أرضـاك = وإذا هالراس مايحماك عيب عضاه شالنه
وإذا أسمي في غيابي ياشــريك الروح ماكفــاك = ترى يحـّرم على كل النساء بعـدي يسمنه
وسلامتكم,,