قصيدة(القبر موحش)

دوم أتق الله ثم حاسب ضميرك=وابعد عن دروب الفساد وحرامه
وخلك على نهج الرسول أبمسيرك=واحفظ صلاتك والزكاة وصيامه
وخلك مطيع لوالدينك وأميرك=ومن زانت اخلاقه يزيد احترامه
وليا ادبرت دنياك عنك لغيرك=لاتنزعج دنياك هذا نظامه
العافيه مكسبك منها وخيرك=ماينحصي كانك ربحت السلامه
ونومك على ذراعك وبايد حصيرك=اخير من زلٍ يمس الكرامه
ولا يزعلك هرج السفيه ويثيرك=صمتك ولا كلمه وراها ندامه
وان كان سرك ما حفظته أبيرك=لو شاع بين الناس كف الملامه
وسامح على الزله خصوصاً عشيرك=والعفو عند المقدره من الشهامه
واهل الفتن عن لابتك لاتديرك=والرجل ربعه بالشدايد حزامه
وارحم وأجير الناس الله يجيرك=والرجل يعرف من وفاه وكلامه
وياكثر مالك لاقنعت بيسيرك=ترحل ولالك كود مترين خامه
ومهما بلغت من المعالي مصيرك= القبر موحش وانت فيه بظلامه

هلال الصلفيج

 

 

 

 

 

 

 

 

 

 

ياهلال قصيدك ماعليه كلام ولا يحتاج لنقد مع ان فيه قاعده تقول كل انتاج ينقد ايا كانت درجة المثاليه فيه وانت ماشالله عليك اغبطك على هالاحساس وعلى هالحكمه مبدع بكل الاغراض جيت ابطلع لي بيت او بيتين ابي اختارهن اكثر من غيرهن قسم بالله العلي العظيم اني مالقيت كل القصيد رايعه مثل روعة حضورك ياهلال بين المبدعين وانت من المنتجين بهالمنتدى اللي يضيفون لوه يعني مثلا انا هو اللي يضيف لي واللي مثلك رمز لمثل هالاماكن وحنا تلاميذ بالتوفيق يااستاذ هلال
تلميذتك واختك حزووول

 

 

 

 

 

 

 

 

 

 

شكرا أختي حزول على المشاعر الطيبه والاطراء الجميل
وحنا أولا أخوان في الله لاننا مسلمين والحمد لله
وثانيا من امة العرب التي كلفها الله سبحانه وتعالى بحمل الرساله
وكذلك واحد يكمل الثاني .
شكرا مره اخرى على متابعة المواضيع الجديده
هلال الشمري