هذه ابيات ارد فيها على الشاعر الأمير نواف=بن فيصل آل سعود في قصيدته (( اسمحيلي يالغرام ))
تشتكي لوسادتك دنيـاك وتسمعهـا تنـوح=بس انا لو اشتكي.. شكواي من هو يسمعـه.؟
لا وسايد لا عبيـد ولاتضاريـس وطمـوح=لامطـار ولاتذاكـر.. ويـن حتـى الامتعـه.؟
شف انا حظي يقابلني وانا اعرف وين اروح=للهموم اللي زماني فوق صـدري يجمعـه.!
دمعتينن في عيوني تحـرق عيوني وانـوح= آآآه .. لو امسك عنان الدمع واعـرف منبعـه
كان ياما كان .. في صيف العطش برد الجروح=ماقدر ياقف مذلـة كيـــف يرفـع اصبعـه
التقدم في شمـوخ الفقـر .. معنـاه النـزوح=والفقر اعرف مقامـه وان عرفتـه اقطعـه
ماهقيت ان الزمن قتال في وقــت الوضـوح=والزمن في وقتنـا بالله مـن هـو يقنعـه
ان صبرت الصبر مفتاح الفرج ياصبر نــوح=والحقيقه لافـرج .. لاصبـر.. مفتاحـي معـه
آآآه .. ياظلم الوسايد كيـف بهمومـك تبـوح..!=الوسايد صدقها مـن كـذب ذيـك الاقنعـه
السهر عنواني الدائم على مثلـي شحـوح=ان وقف .. وقفت جنبه وان مشى صرت اتبعه
تشتكي لوسادتك
العرض العادي
