ياغراب داري ماتوليت عنه
ولاحدني حتى العنى والمصايب
ماحدني ظيمه ولا ظيم منه
ولا حدني صدة طويل الذوايب
ماحدني سجن(ن) ولا اريد عنه
كنوز حمر العين ياقيل هايب
ماحدني رمح(ن) أشوفه يسنه
كلب الغنم يومي عثير السبايب
مايسكتن منطق ولا هاب سنه
ولا أستكن يالخوف لله طلايب
ترا السبب ياغراب قهر(ن) أكنه
من لاهب(ن) بالقلب عفت القرايب
ترا القهر ياغراب ناس اكتمنه
وأدري يفج الضلع قهري حرايب
لو هو جبل بالغصب ظيمي يكنه
إلا أكن جبال ظيم ومصايب
ماكني إلا راجي(ن) خاب ظنه
ولا ورق جردا بوجه الهبايب
واليوم يا باريس عزي لهنه
ديار عِرب العار لو به حبايب
وسلامتكـــم
بقلم
سعــود الميـــــــــاح
ياغراب
العرض العادي
