السلام عليكم ورحمة الله وبركاته
أقدم لكم مجارتي هاذي التي جاريت فيها
الشاعر الكبير
//
عندما جارا الفارس والأمير
//
في قصيدتة المعروفة
مايستشك ياحسين كود الرديين=والا ترى الطيب وسيع(ن) بطانه
وقصيدة الشاعر خليل مطلعها يقول:
ليت القبر ينباج وتشوف بالعين=يا بن رشيد الوقت زاد ميلانه
إلى ان قال:
مايستشك اليوم كود الفطينين=والاترى الخايب وسيع(ن)بطانه
اما مجاراتي هي :
يالشبرمي قدرك على الراس والعين=مادام طوعت الفرس من عنانه
اصبت بالنيشان نيشنتها زين=يومك تذكرت الأمير بزمانه
راح وتركنا في زمان المجانين=وكلاً على كيفه يزيد ميلانه
اهل الردى اللي على الغبن ممسين=قامو يعقدون الحبل في مكانه
رجالهم يامر ويمشي على لين=ومن فوق هذا صار عنده حصانه
وأهل الكرم والطيب واهل الدواوين=راحت وضاعت هيبته مع كيانه
واهل السطر والجاه تر مالهم شين=في وقتنا الحالي تزيد اللعانه
راحت سلوم اللي على الشرع والدين=وجتنا سلوم اهل الردى والخيانه
صارت على ماقلت في وقتنا الحين=وقول الأمير اقفى وقولك اعانه
(مايستشك اليوم كود الفطينين=والا ترا الخايب وسيع(ن) بطانه)
بقلم=هيثم بن متعب بن طويرش النماصي