صاحبي لو المحبة تعطيني مجال ## لاخذ من وقتنا شوية اوقات
بارسم واكتب واغني لك الموال ## وألحن لك لو تبي من الابيات
اخ ياعوق قلبي ماجت على البال ## ولا حسبت ليومها اي حسابات
حلم ٍ احلمه وتزول لحظته بالحال ## حتى الحلم بخيل ٍعلي بالعبارات
خلنا بالواقع المر ووضع ٍ لايزال ## اعيشه وتعيشه قلوب ٍ حزينات
مامن حلم ٍ تحقق لي وصار عال ## ولا من فرحة ٍ عشتها ساعات
احسب معي يوم ان الزمن طال ## قصر الليالي صارت طويلات
وكم من حمول ٍ لها القلب شال ## وكم صادفت حظوظي وماجات
تعود كفي مسح الدمع لو سال ## وتعود قلبي على حمل الثقيلات
وسلامتكم