الشيخ / عقاب بن سعدون العواجي
هو ابن الشيخ والشاعر سعدون العواجي شيخ ولد سليمان من قبيلة عنزة .
وعقاب فارس وشجاع ومقدام ..
ويعتبر من ابرز فرسان قبيلة عنزه .
ولكن وقع في شر أعماله
عندما تحدّى قبيلة شمر في أكثر من مناسبة !!
.
.
.
الفارس عدوان بن طواله الأسلمي الشمري ( يأسر ) عقاب العواجي ..!!
في إحدى المعارك التي دارت بين شمر بقيادة عدوان بن طواله وعنزه بقيادة عقاب العواجي
استطاع عدوان بن طواله ان يطرح عقاب ارضاً ، ويأسره ..
وشيّم الطنايا كانت حاضرة في تلك المواقف
حيث رأى عدوان بن طواله ان يعفوا عن العواجي ويطلقه ويحسن اليه
وفعلاً أعتقه ..
ولكن شاعر شمر ( التبيناوي ) عاتب عدوان بن طواله عتب شديد ..
لانه رأى ان عقاب العواجي ، صيد ثمين ، ومن الصعوبه ان يتم التفريط به
فقال التبيناوي معاتباً ابن طواله :
ياعقـاب دايـر نجدتـك بالتواقـيـف=ياعقاب مثـل اللـي توطـي بالاقـدام
تشرب غماد مثـل ماتشـرب العيـف=مستلغفـن غبـن الليالـي اليـا نـام
العـام وانـت لمقـدم الـروم عريـف=فوايـدك مـن دولتـك قطـع الانجـام
((جتك الشيوخ)) اللي تعرف المصاريف=هداويه شخص الرمـك صنـع الاروام
خـيّـالنـا اللـي موالفـن للزعانـيـف=مـداوي سقامـن للمناعيـر سـطـام
من جيته لديارنـا جـاء لهـن عيـف=مثل الحباري من شبـى الحـر خـرام
مبري نحست الجوع في جية الضيـف=خـلاّ شرايدكـم هجيجـه إليا الشـام
((ياحيف ياعـدوان ياحيـف ياحيـف ))=((اعتقت ناس ٍ عقب ماطيرهـم حـام))
لو انت ياعـدوان فـي ذاري الهيـف=أودعـــــت راســـه موقع ٍ منه ماقـام
اعتقت ربعن كللوا شـذرة السيـف=من يبذر الحسناء بقطاع الارحـام..؟؟
( أبالوقي الشمري ، يطرح عقاب العواجي أرضاً ، ويأخذ جواده وسيفة )
ابا الوقي هو كنعان ابا الوقي . من الثابت من سنجارة من شمر
كان غلام صغير عمره لم يتجاوز الـ 20 عام .
أتفقت شمر في إحدى معاركهم مع عنزه
على ان يصبوا فنجال من البن ويضعهوه بينهم ويقولون لفرسانهم :
اللي يشربه هو المسؤول عن قتل عقاب في أول معركة نخوضها معه !!
ووقف من بين الصفوف الفارس اباالوقي .
وقال : انا اشرب فنجال عقاب وأقابله على ظهور الخيل !!
وعندما التحمت قبيلة شمر مع قبيلة عنزه
رأي ابا الوقي عقاب بين الخيل ودفع نفسه إليه
واستطاع ابا الوقي ان يسقط عقاب عن خيله وكاد ان يقتله
وهبّت فرسان عنزة لتخليص عقاب من يديّ ابا الوقي
وهبّت فرسان شمر لإنقاذ ابا الوقي .
وعندما حمى الوطيس وكان الغبار يحجب كل واحد عن الاخر ..
استطاع ابا الوقي ان يأخذ سيف وجواد عقاب العواجي
وأنتصرت شمر في تلك المعركة ....
فقال شاعر شمر ( التبيناوي ) متفاخراً بما فعلة ابالوقي :
ابا الوقى يالبيض خضبن يمناه=وانا اشهد انه من عيال الحمايل
السيف من يمنى عقاب خذيناه=والخيل بدل كدشهـا بالاصايـل
هذي سلـوم بيننـا يالقرابـاه=يازين بيع المنسمح يابن وايـل
وعقاب ما سبه ولا أسب حلياه=ان جو على قب المهار الاصايل
يركض على الصابورمابه مرواه=شي تعرفه كل سمـو القبايـل
لكن .. عندي له فهود ٍ مغذاه=( عيال شمر ) فوق قب سلايل
وعندما سمع سعدون العواجي هذه الابيات ، قال جملتة المشهورة :
( هذا بلا بوك ياعقاب ) .
والتي اصبحت الآن مثالاً عند البدو ..
( الثالثة كانت ثابتة مع الفارس البطل هايس القعيط )
هايس القعيط (( أخو سعدى ))
فارس من فرسان قبيلة شمر
يرجع نسبة الى البريك من الخرصة من زوبع
أتى من اقصى شمال الجزيرة العربيه
لكي يثأر لـ هذلول الشويهري الشمري الذي قتله عقاب العواجي وهو اسير .
كان هذلول قبل ان يتم قتله
ينخى بأعلى صوته ويقول :
( وينك يأخو سـعدى ) !
فضربة عقاب بسيفه وقتله وهو اسير
فهب الفارس هايس القعيط ومعه فرسان شمر الذين اتوا من اقصى الشمال
يريدون ان يقتلوا عقاب .. ويأخذو بثأر شمر .
فقال شاعر شمر ( التبيناوي ) محذراً عقاب من هايس القعيط :
ياعقاب بدّل ديرتك لك بديره=ارحل وخل الضغن مابه مصاريف
اخلوا ضمارين بخشـــم العميره=مرب زرفات البكار الهراجيف
لايقمشك محمي دبيل الجريره=اشقر يروّع القلب ويهيل ويخيف
يجيك يتلنه طيـــــــــــور الجزيره=ترهن ليا راج ٍ على الشيخ ماشيف
شقر سحايلهن سواة السعيره=والا سنا نار حدتها العواصيــف
أستطرد هايس القعيط الخيل لعقاب وحجاب
وتقابل الجيشان
وانتصرت شمر إنتصار كبير
وقتلوا عقاب العواجي وقطعوا رأسه
وقتلوا معه اخاه حجاب
وفوقهم المرتعد ( من شيوخ عنزه ) .
وساد الفرح قبائل شمر كافة بآخذ الثأر
فقال رشيد بن طوعان السويدي من سنجارة متفاخراً :
كان (نوت) تزعج الصـوت بالحيـل=لعيون (هيفا) نردع الشيخ يحجاب
اربع ليالي مـا لقوهـن مداويـل=عليت يا وجهن كوح العصر بتراب
حريمنا لجن بزيـن الهـلاهيل =توكّدن من خبطـة الحـر لـ/ عقـاب
وحريمهم تصرخ صريخ المحاحيـل=جاهن عليم ٍمع هل الخيل ماطاب
يا ظبيب لو ذبحت كـل الزماميـل=ذبحت دخيل البيت ما تفتح البـاب
انا احمد اللي زينه وعـدل الميـل=هذي فعولك يوم قديـت الاسبـاب
ودنياك هذي يالعواجـي غرابيـــل=من شق جيب الناس شقوله اجياب
وقال محسن الغييثي من عبده . متفاخراً ايضاً :
ياعقاب عقبـان المنيصـي لونـّك=واستلحقن ياعقاب راسك معه راس
لاتحسب ان الخيـل قافـي عطنـّك=ارقابهن عوج لكم عقـب مـرواس
والخيل من شان القضى حيّلن لـك=وركبوا عليهن مروية كـل عبّـاس
ولو ياخذن مـرواس تعـاودن لـك=السربة الحرشاء عليها بنـي يـاس
وا شيب عينك وان حدوهن وجنـّك=شهب النواصي فوقهن كل مدبـاس
مثـل النجـوم الهافيـه يعجلـنّـك=على الطريـح مضريـات وعـلاس
بشرقي زبار وريك يـوم اسهجنـّك=(راحت تدحـدر جثتـك مابهـا راس)
بحذيـهـن ياعـقـاب تودسـنّـك=وتعاركن عندك كريهات الاضـراس
احـــــــــــرارنـا ياعـقـاب تشالقـنـّك=من ضرب الاصخا يوم الارياق يباس
(هايس) على صم الرمك عابي لـك=(بعيال شمر) مرويــــة كـل مدبـاس
واحذرك عن كنعان بشلفـا يشلـك=شلة عقاب لأبرق الريـش فـراس
واحذر من اللي بالقدح غـاذي لـك=قب قحـوم قمزتـه سبعـة اقيـاس
ومفيز فوق قشمـرة ٍ حاضـي لـك=يبي القضى بـ/هذلول بغليات الانفاس
وزتك بوجه الشيـــخ وهو والـم لـك=بمصقل ٍ عن جثتك يجـدع الـراس
نخاه هايس قـال ابـي عـادة لـك=وزتّه بوجه الشيخ والخيـل قبـاس
وقال الشيخ سعدون العواجي يرثى ابنه عقاب
ويصف فزعة (( عيال الطنايا )) :
حالوا عليه اللي على الموت جسرين=لا وابعينـي مايجـاجـون ذبــــــــــــــــاح
تسمع بتال الخيل حـسّ المثــــــاريـن=( عيال الطنايا ) مرويه عنــــط الارماح
وقال ايضا ً :
راح العقاب الصيرمي شايع الصيت=من عقبهم قامت تراعـد عظامـي
صاحوا عليهم صيحةٍ تقعد الميـت=(شمر)هلا الردات يـوم الزحامـي
وقال ايضاً :
جانا النذير وقال خوذوا حذرهـا=سباع الجزيـره يمّــكـم عادياتـي
سباع كلنّـه بالجزيـره ديرهـا=سباع جذبها الصوت قبل المماتي
هايس ورى الشطّين يمّي عبرها=وعدّاا عليَّ بالثار شط الفراتـي
السربه اللي يوم ربـي نصرهـا=خلّوا عيوني بالحـزن ساهراتـي
.
.
ّتمّت
مع التحية للجميع .
عقاب العواجي ( والقرادة مع عيال الطنايا ) ...!!
العرض العادي
