مبيريك التبيناوي وقصيدة في مقتل عقاب العواجي

مبيريك التبيناوي وقصيدة في مقتل عقاب العواجي


والقصة طويلة واحداثها مثيرة ويقول التبيناوي:


عودن عدا بس الزماميل والخيل**يدور مقانيص بغرات الاجناب

ول زمانه عذب الكنس الحيل**وخبط بيمناه البحر عقب ماشاب

راح النذير وفزع النزل بالليل** والخيل ركبت ما جلايبها الاداب

وتوافقوا بالطعن بحد الغراميل**متقاظبين(ن) مثل ابا زيد وذياب

غربي زبارا وريج مثل الهماليل** وانشبت احراب القوم بكطي الاصحاب

وتعاودوا للهوش ربعن مثاقيل**حماية الساكه عريبين الانساب

وردو وصادوا فارس يرعب الخيل**يوي صيدة يوم جابته الاسباب

كان نوت تزعج الصوت بالحيل ** لعيون هيفا نردع الشيخ بعقاب

حريمهم تصرخ صريخ المحاحيل** جاهن عليمن باول الخيل ما طب

وحريمنا لجن بزين الهلاهيل ** متوكدات(ن) من شلعة الحر لعقاب

يا ظبيب لو ذبحت كل الزماميل** ذبحت دخيل البيت ما تفتح الباب

اربع ليال(ن) ما لقوه المراسيل** عليت ياخد كوح العصر بتراب

دنياك هذي يالعواجي غرابيل** من شق جيب الناس شقوا له اجياب

ابن برزان

 

 

 

 

 

 

 

 

 

 

يعطيك العافية على هذه القصيدة

إختلفت الروايات في من قتله ولكن أصح الروايات وأكادها
أن من قتل عقاب هو (مفيز الهبداني) من المفضل
أما حجاب فقاتله هو (دوشق بن سنيدان) من الجري


والله أعلم

 

 

 

 

 

 

 

 

 

 

لله درك يابن برزان على اضافة هذه القصيده لمبيريك التبيناوي

سلمت ودمت

 

 

 

 

 

 

 

 

 

 

يعطيكم العافيه ومشكورين

على التعليق الجميل

ابن برزان

 

 

 

 

 

 

 

 

 

 

تسلم يا أخ ( ابن برزان ) على وضع قصيدة (مبيريك التبيناوي) التي نفسها تحكي قصه

 

 

 

 

 

 

 

 

 

 

اخى امير الطنايا المعروف عند شمر الذى قتل حجاب وعقاب اخو سعده هايس القعيط والتبيناوى يوم قال


يقصد ابن عقاب واليك بيت من القصيد أبوك كزه حبيبى كزت الدلو بالبير
ولو تلاحظ اخى امير الطنايا ان ابناء عقاب اخذو الثار من هايس عندما طعن فى سن وشكرن لتوضيح


ربعى شمر عصبت راسى سنجاره والاسلم وعبده لغدن الليالى عوج

 

 

 

 

 

 

 

 

 

 

تسلم يابن برزان الله لا يهينك.........

وترايعوا للهوش ربع مشاكيل.......... حماية التالين والخيل هراب


عيال الشيوخ معربين الاخاويل........ردوا على ربع تدانوا بالانساب


تحياتي لك

 

 

 

 

 

 

 

 

 

 

يعطيك العافية ياخوي ابن برزان على هالمشاركة الثمينة وهالقصيدة النادرة
أما أخوي الجحيشي العرادى
اقول الشيخ هايس القعيط أشهر من نار على علم فارس وشجاع وعقيد وله تاريخه الزاهر ومكانته عند شمر كما هو الحال لغيره من الفرسان الذين سطروا لنا أروع قصص الإنتصارات التي يضرب بها المثل
وهو قائد المعركة التي قتل فيها العواجيه وجاء من الجزيرة لديار عنزة يبي الثار طير شلوى
ولكن إذا قيل أن مقتل العواجيه على يد غيره فليس هذا قدحا بشجاعته أو فروسيته لأني أرى البعض يعتبرها إساءة
له وهذا خطأ وإن دل على شي فإنما يدل على قصر نظره و سطحية تفكيره فالطيب واحد والفعل والإنتصار لشمر عامة وليس لأحدٍ دون أحد

ولكن إن كنت ممن يقول بأن من قتل عقاب وحجاب ومعهم أيضا المرتعد هو هايس القعيط !!!
فعندي نقطتين أريد منك أن تنتبه لهما:
الأولى/إن كنت ممن يقول ذلك فماهي المعركة التي لشمر و لم يشترك فيها سوا ثلاثة فرسان من عبده وظفروا بعدوهم فقيل بعدها
{ حظ العبدات من شمر}
الثانية / ماذا تعني لك هذه القصيدة وهي لنفس الشاعر مبيريك التبيناوي التي قال فيها
نوت(ن) لياصاحت وزجت لها أصـوات
هيفاء تراه العـام لجـت قطينـه
على شجاعن راح منـا للأمـوات
منيع بـن نوبـان هـم خابرينـه
هذي قروضـن بيننـا ياالقرابـات
ياحلـو رداد الجـزاء قبـل حينـه
خليـت زينيـن المياحـاء والإرات
ينام سعدون(ن) علـى سهـر عينـه
عقاب(ن) غصيب(ن) يوم الأفراس عجلات
وعزاه من طير(ن) نقر مـن وتينـه
بالعون عقب عقاب هدم(ن) للأبيـات
لـو صيحَّ(ن) خفراتهـم عاذرينـه
شله مفيز(ن) شلـة الذيـب للشـاة
وخـلاه للـي يستغـلـه بديـنـه
وحجاب ياما قال بالبيت قـم هـات
عزيلـكـم يالابـة(ن) فاقديـنـه
فـوات قبـل مدوريـن الجمـالات
ياليت عقـال العـرب حاضرينـه
أيـات خمسين(ن) تعشيهـم الشـاة
من زوبـع وضياغم(ن) خالطينـه
لميتين خيـال وخيـل مريحـات
وجيش يعزل مـن وراهـم كمينـه
ردوا عليهم شمر عقـب الإقفـات
وغدوا بصيـاد الحبـاري بحينـه
من زوبع وإلا السناعيس اللآفـات
ذهيـب ماعـود علـى مرتجينـه
ضياغم(ن) ماسايلوا عنه لـو مـات
ولا صفحوا عن واحـد(ن) طالبينـه
بأيمانهم مثل المحـوص المسـدات
والريش من فوق الغلب مردفينـه
طريحهم بالكـون مابـه مراجـات
ياكلن حثـات البراثـن وتيـنـه
من طاح خلف قطيهن بالهوى مات
وعشاك ياذيب(ن) بالأبـرق سمينـه
في رآي أبو بدر(ن) زبون البليـدات
يا طار عن جـرد السبايـا يقينـه
وبـدر وكنعـان خـلاف الرديـات
حبسـن لتالـي خيلنـا ضامنينـه
ومزعل حوالي هايس(ن) والقـدورات
وأضنهـم بمشورب(ن) متهميـنـه
هذي سوايـا هايس(ن) باالمثـارات
صاحوا جزاء ماصاحت أمن جنينه
والمرتعد شوق الطموح المخـلات
خذاه من دوشـق بشلفـاء سنينـه
برماح ياما سفـرن يـم الأمـوات
تـروه بـدف وريـك يادايريـنـه
داوونحست القلب مابـه مـراوات
شوايعه وصلـت لسـوق المدينـه
والبوق يابن هضيب يضهرعقوبات
عساه ترمـي ناقلـه قبـل حينـه
وحنا طلبتن عنـد رب السمـوات
عينـه تراعـي بـاذر(ن) زارعينـه
وصلوا على نبيكـم عـد مامـات
أو عـد ماتبنـي بيوتـن قطينـه

ولك مني جزيل الشكر
أخوك
فاقد حائل

 

 

 

 

 

 

 

 

 

 

الله لايهينكم جميع ابن برزان وفاقد حايل اما اخوي الجحيشي يمكن سمع غلط وحنا عاذرينه


اخوي الجحيشي مثل ماقال اخوي فاقد حايل هذا ماينقص من الشيخ والفارس هايس القعيط شي


اما التاريخ هذا هو


واذا كان دليلك ان جارالله ابن عقاب خذا الثار من هايس اقول لك هذا شي طبيعي لان هايس هو القايد

والعقيد بهذيك المعركه

مثل يوم ابن رشيد ياخذ ثار هايس من غنيم الربضا والروايات كله تقول ان جار الله هو اللي ذبح هايس


( ياغنيم عندك هايس(ن) نطلبك دين .......... حماي تالي شمر(ن) بالسنودي

ان ماعطاك الشيخ يوم(ن) ويومين .......... ماهو ولد علي عريب الجدودي )

واعطاه ابن رشيد ثلاث ايام (المهربات ) ولحقه عند اهله وذبحه لان غنيم هو قايد المعركه اللي انذبح به

هايس القعيط




اسف للاطاله تحياتي لكم جميعا

 

 

 

 

 

 

 

 

 

 

بالعون عقب عقاب هدم(ن) للأبيـات***لـو صيحَّ(ن) خفراتهـم عاذرينـه
شله مفيز(ن) شلـة الذيـب للشـاة***وخـلاه للـي يستغـلـه بديـنـه


قال شله (مفيز) ويقصد مفيز العفر من المفضل من عبده
يعني مفيز العفر المفضلي ذبح عقاب العواجي

ويقول الشاعر/
والمرتعد شوق الطموح المخـلات***خذاه من دوشـق بشلفـاء سنينـه

قال (من دوشق) ويقصد دوشق بن سنيدان من الجري من عبده


يالجحيشي العرادي هذا قصيد وتاريخ واثبات ودلايل من شاعر الحرب التبيناوي...


وهايس والله ونعمين به كان قائد شمر بالمعركه ,,,

شكرا لابن برزان وفاقد حايــل