((المؤشر منخفض))
طاوعي يابكرة الذات مخزومه=قاودي يابكرة الذات لهبالي
شيب عيني لاقزت من حلا نومه=كن موقه يصطلي حامي الصالي
آتمنى والمنى طاحت سهومه=المؤشر منخفض تحت مازالي
من ينعنش سوق الاحوال ويسومه=من يغير ياعرب سوق الاحوالي
ارضنا ماهي من الوسم ماسومه=والبروق تلوح في قدرة الوالي
من يعلمني عن الوقت وعلومه=وش تخبي سود الايام لامثالي
بكرتي يابكرة الذات مفطومه=سيرتك عطره على كل منوالي
سولفي عن بعض الاجواد وسلومه=واقطعي دربك على الوجه زرفالي
خلو المخطي يدربل على رجومه=تشتبه في نظرته كل الازوالي
يمكن الحلاّم يبني على حلومه=ياعساه يحل من بعض الاشكالي
كم سبب في خاطري بان مفهومه=وكم اداري جرح الايام واجتالي
ليت حلم البارحه صار من يومه=يوم مدخالي تعدوه عذالي
وليت عدوان المناعير مذمومه=وشيمة الاسلاف يبقى لها تالي
وكان عيني من حلا النوم محرومه=ارثعي يابكرة الذات لهبالي