قبل أيام صارة قصّه في منطقة الرياض بين جيران شمري ومطيري وهي ان أبن المطيري أصاب أبن الشمري في طلقه ناريه عن طريق الخطأ/وبعد وصول ألأبو الشمري أخّبروه إن ابنه بالعنايه المركّزه وأبن جارهم المطيري موقوف لدى مركز الشرطه0فاتوجّه الى المركز ووقع تنازل وأصر على أن ياخذ أبن جارهم وايسلّمه أهله وتم ذالك والشمري هو المدعو/ ناصر بن سليمان الجانب الويباري الشمري(ابومنصور) 00000هذه القصه أخبرني بها0محمد نايف الشمري0أبو ثنيان. لهُ الشكر الجزيل000واقلت هذه القصيده أرجو أن تحوز على رضاكم بهذا الموضوع0
يابو ثنيان الخبر يرفع الراس=بلّغ تحياتي كريم السبايل
زاد السرور سرور يامعرّب الساس=وعادات شمّر يكسبون الجمايل
مافاتهم ياصاحبي كل نوماس=ترتيبهم على الجميع الأوايل
تشهد لهم ياسامعي قب الأفراس=وساع النحور معربات الأصايل
عدوّهم يشرب من المر بالكاس=وصديقهم يرقاء على راس طايل
فاقت حميتّهم على باقي الناس=تميّزو عن طيبين القبايل
تحت الذهب فضّه وفوق الذهب ماس=وأثبت أبو منصور كل الدلايل
نعم كذا شمّر بهم قوّة الباس=سلمت وعقالك على الراس مايل
من دون جارك لأصعب الراي دواس=يمناك تفعل والصمايل صمايل
أظهرت إبن الجار من بين حرّاس=فيك الفخر يفخر بكل الوسايل
حلاّل عسراتً إليا صار لولاس=تحوش باليمنى جميع النفايل
خذها شهادة حق من قلب واحساس=أنت الوفا للمجد حايز ونايل
قلّته ولاعندي من القول هوجاس=حيث الوكاد يقال ماله بدايل
والكذب ملفاه الفشيله والأتعاس=مثل السراب بحاميات القوايل
مهما تحايل صاحبه يكسب الياس=وينبذ إليا عدّو عيال الحمايل
منجوم ليل وداخل الموج غطّاس=لآبد ماتكظم عليه الحبايل
يبين لامسّه من الوقت مساس=والصدق منهج كاسبين الجزايل
العلم قيل وخيرة القوم جلاّس=وملزوم أشارك في جداد المثايل
والكم سلامي عد ماهب نسناس=وشكراً لبو منصور جزل الفعايل
أخوكم الشاعر/مانع الخريصي