(( تـاج فـوق الـراس ))

هذه قصيده في الاخ : محمد بن نايف بن هذيل بن عمود( ابوثامر )
فهذا الرجل له من المعروف وافعال الطيب معي الشي الكثير والذي
اعجز عن شكره وماهذه القصيده إلا رد ثناء بسيط بحقه

راكب اللي.. صمّمُوه الخواجه ياعلي = لقصة أبن هذيل.. يوم المسافه تقتله.!
لو حصل له مركبه.. يوم همه ايغلي.! = كان خلاها على البيد.. شر وزلزله.!
من طنا راعيه يطنا.. ولو ظرفه خلي= ومن رضى راعيه يرضى.. ولو طال زعله.!
لُون بَدْيه.. كَف عبْده.. بصابعها حلِي =عمّها مقرن.. واخوها قتل.. في منزله.!
لون مُوكيته.. شفايف بنكهات الجلي = والعلامه كِنها تقول.. وضعك ازْهَله
اقطم(ن) خشمه.. وباقي جسدها ممتلي =والزويا.. حرفنت فهم .. بعد الاسئله
إن تحرك.. حَرَّك الشوق.. ياريحت هلي =وان وقف.. مَشَّيْت الأشواق في صدر جهله
بنز لاضاقت همومي.. وصاحت لِزْعَلِي = والله إني .. كل درب(ن) وقف.. لاكَمّلَه
وانت ياللي طِيبْ الافعال... عندك مِعـْتِلي=فوق تقرير القصايد... كرمكم يدهله
يابعد منهو تفاخر بتقليط الطلي=اشْغـَل العالم... عَسَى الله دايم يشغله
فدوتك اشكال هذا... وتبقى ياجملي=تاج فوق الراس... معروفكم وانتم هله
كم سجين(ن) من يمينك همُومِه تنجلي=يوم ضاقت حالته .. وانتهى مسْتقبله
يابوثامر... غيـْم غيرك يروح وينجلي=غيمهم ياقف لثنتين.. كذب ومَهْزله.!
وانت غيمك يروي سعود.. وحمود.. وعلي=ياعسى رب السموات.. ربي يقبله

 

 

 

 

 

 

 

 

 

 

صح لسانك . والله لايهينك

والف الف الف نعم بابن هذيل

 

 

 

 

 

 

 

 

 

 

صح لسااانك يالسنافي

ويستاهل ابو هذيل



لاعدمناك يابعدي

 

 

 

 

 

 

 

 

 

 

اخوي الشاعر عيادة صح لسانك ملاااييين وبيض الله وجهك جزلة من راس جزل وراع المعروف يستاهل..تقبل تحيات اخوك ابوطارق

 

 

 

 

 

 

 

 

 

 

الجهيلي صح السانك ملاييييين وابن هذيل يستاهل
ماشالله عليك يالجزل الله لايضرك
تقبل مروري واجمل تحياتي

 

 

 

 

 

 

 

 

 

 

ابو الحارث مرورك تاج فوق راسي طاااااااااااال عمرك

 

 

 

 

 

 

 

 

 

 

صح لسانك
وعلا شانك
وبيض الله وجيهك اخي
يسلموووووووووووو

شمريه

 

 

 

 

 

 

 

 

 

 

صح لسآنك يآشآعرنــآ وآفي وجزل طآل عمرك..
ولآ تحرمنـــآ من جديدك..

 

 

 

 

 

 

 

 

 

 

صح فكرك ونبضك

قصيده وافيه في شخص يستاهل الكثير

دمت ع الف خير

 

 

 

 

 

 

 

 

 

 

الله على هذه الرائعه
صح الله لسانك وراعي الطيب يستاهل
وتسلم يمينك من الشر
دمت بخير لاينتهي