قصائد قيلت في اللغيصم شيوخ المسعود

هاذي قصيده الحربي بنخوه الشيخ / خالد بن جدعان بن اللغيصم ، آحد شيوخ قبيله شمر ... { سفير قبيله شمر } يــا شـيـخ أنــا مـاشــي مـــع فـجــة الـنــور
ماشـن مــن البـاطـن عـلـى روس الأقــدام
مـتـوجـهـن يــمــك مــــن الـضـيــم مـقـهــور
وأنــت دخـيـلـك يـــا لـتـجـى فـيــك مـانـظـام
متـخـيـرن بـيـتــك مــــن بــيــوت واقــصــور
بــيـــت الـلـغـيـصـم غـايــتــي دون الأنـــــام
يــا خـالـد الجـدعـان مـــا جـيــت مـســرور
بس السرور إن صرت فـي كفـي احسـام
لـي خمسـة سنيـن ٍ مـن الـديـن مقـبـور
والـمـقـبـرة ضــاقــت عــلــى جــثـــة أغـــــلام
الـشــرطــة الـقــشــرا مـــــع ألـــــف نــاطـــور
قـــــدام بـيــتــي كـــــل يـــــوم ٍ لـــهـــا ارزام
حــتــى عــجـــوزي خــاطـــره دوم مـكــســور
كــنـــي سـجــيــنٍ ٍ حـاكـمـيـنـه بــالاعـــدام
بالطيـب والنومـاس حـصـدت أنــا الـجـور
وهــــذي ضـريـبــه لـلـكــرم يــابــن الاكـــــرام
مـامـات ابــو خــوذه مـــن الـديــن مـفـقـور
بــيــن الــعــرب ذكــــره عــلــى مــــر الايــــام
وكـريــم سـبــلا مـــن زبـــن فـيــه مـنـصـور
الاسـلـمــي بـالـطـيـب تُــرفــع لـــــه اعـــــلام
وخــالــد الـجـدعــان طـيــبــه لـــــه جـــــذور
مـتــوارثــه مـــــا بــيـــن خــالـــه والاعـــمـــام
شيخ ٍ ولد شيخ ٍ على الطيب مفطور
مـاهـي بشيـخـة سـهــم أو شـيـخـة أرقـــام
الشـيـخ شـيــخ ومـــن زبـــن فـيــه مـعــذور
والــلــي زبــــن بـالـشـيــخ مــاهـــو بـمــنــلام
كـنــت انـتـظــر جـيـتــك يـاعـالــي الــســور
ظـــلــــك ولا ظـــــــل الــمــعــافــن والأقــــــــزام
بنـيـت لــك فــي خـاطــري سـبـعـة قـصــور
اقـصــور هـقــوة طـيــب مـاهــي بــالأحــلام
مــــا دام بــيــت الـشــيــخ لـلــعــز مـعــمــور
مـاظـنـتــي أرجـــــع بــــــلا ثــــــوب وإحــــــرام
يـقـولـهـا حــربــي مــــن الــديــن مـحــشــور
عـجـز الــورق مــن شـيـل هـمـه والأقـــلام
نـخــيــت انـــــا خـــالـــد وقــــــدام جــمــهــور
نــخــوة بــــدو مــاهــي سـوالــيــف واوهـــــام
الـيـا عـطــى تـخـضّـر فـــي عـيـنـي الـبــور
ويــنــام جـفـنــن خـمـســة سـنـيــن مــانـــام
لــــه عــــادة يـنـخــي يــفــزع بــــلا شــعــور
والــيـــا طـلـبـتــه حــاجـــة ٍ قــــــال قــــــدام
وأنــا نخـيـتـه مـــن عـنــا الـوقــت مـجـبـور
ولا ظـنـتــي ايـخـيــب مــــن حــطــه حـــــزام

 

 

 

 

 

 

 

 

 

 

صح لسان الحربي
والف نعم ببن لغيصم نومسنا

والف شكر لك مطنوخه

 

 

 

 

 

 

 

 

 

 

مـامـات ابــو خــوذه مـــن الـديــن مـفـقـور
بــيــن الــعــرب ذكــــره عــلــى مــــر الايــــام
وكـريــم سـبــلا مـــن زبـــن فـيــه مـنـصـور
الاسـلـمــي بـالـطـيـب تُــرفــع لـــــه اعـــــلام
وخــالــد الـجـدعــان طـيــبــه لـــــه جـــــذور
مـتــوارثــه مـــــا بــيـــن خــالـــه والاعـــمـــام
شيخ ٍ ولد شيخ ٍ على الطيب مفطور
مـاهـي بشيـخـة سـهــم أو شـيـخـة أرقـــام
الشـيـخ شـيــخ ومـــن زبـــن فـيــه مـعــذور

الف نعم بخالد ابن لغيصم رفع راس كل شمري
( ( سفير الطنايا ) )
وصح لسان الشاعر الحربي
وشكرا لـ اختي على حسن الاختيار
ونتطلع للمزيد

 

 

 

 

 

 

 

 

 

 

والعشر تنعام في الشيخ خالد اللغيصم

وصح لسان الحربي

كل الشكر على ايراد القصيدة الجزله

دمتي سالمه

 

 

 

 

 

 

 

 

 

 

الله يفك اسره الشاعر . ونعم في الشيخ / خالد بن جدعان بن اللغيصم آحد شيوخ قبيله شمر ونعم في عائله آل لغيصم شيوخنـآ الله يعزهم رافعين روسنا ونومسوا قبيله شمر الله يكثر من امثالهم وربي آنهم فخر لقبيله شمر آل لغيصم ونعم في الآجوآد . يعطيكم العافيه على المرور ولآهنتم . تقبلوا ودي ...

 

 

 

 

 

 

 

 

 

 

قصيده الشاعر فلاح العراك المطيري في الشيخ



فهيد بن عواد بن اللغيصم . شيخ المسعود من الاسلم من شمر
وآحد شيوخ قبيله شمر

راكب اللي بايع القشـع ماكـدّه = ماتـردد بيـن لينـه وسامـوده
حولوه من المصانع علـى جـدّه = تو لوحاته على الجمس مشدوده
سايقه من سرعته مالحق حـدّه = كل ماناشه برجله طلـب زوده
نصه اللي ينصي حـزة الشـدّه = والخطوط لهجرة "فهيد" ممـدوده
فهيد من روس الطنايا هل الردّه= والمراجل كلهـا فيـه موجـوده
شيخته ماهي نبيته علـى جـده = كل عود في مكانه ظهر عـوده
اشقرن سلمان وقت القنص هدّه = والحباري باشقر الريش مصيوده

وقصيده في الشيخ / فهيد بن عواد اللغيصم ، آطال الله في عمرك يابو سطام وقصيده اشتهرت في العرب

 

 

 

 

 

 

 

 

 

 

رثاء الشيخ/ عبد الله اللغيصم المسعودي رحمه الله تعالى
هذه القصيدة قيلت في رثاء الشيخ / عبدالله بن عواد اللغيصم المسعودي الشمري,, آحد شيوخ قبيله شمر الذي وافاه الأجل المحتوم بعد معاناة طويلة من المرض، وتوفي في حفر الباطن وقد نشرت في جريد الجزيرة في عددها رقم 10170 الصادر نهار الاربعاء 2 ,جمادى الاولى 1421في صفحة مدارات شعبية وهي للأخت الكريمة نورة اللغيصم المسعودية

تم الأجل من والي الأقدار مقســـــوم
ولا تندفع نفس لياجا أجلــــــــــــــها

مرحوم ياشيخ المساعيد مرحـــــــوم
تبكي عليك جبال سلمى وأهلــــــها

شيخ بني مجده بعيد عن اللــــــــــوم
ابو اليتامى يوم كلن ذهلـــــــــــــها

ياما تمنوك المساعيد من يـــــــــــوم
ياعزها يامجدها ياجملــــــــــــــــها

يا مزبن المضيوم لاجاك مزحـــــوم
كل المطالب للغيصم كفلــــــــــــها

باللي حدث ماذاقت الكبد مطعـــــوم
الله يجزى كل نفس بعملــــــــــــها

شيخ اللغيصم ماتبي قول وعلــــــوم
عن بعضهم كل المشاكل حملــــــها
عساه مع من هو عن الذنب معصوم
بجنان خلدٍ ربنا له كفلــــــــــــــــها
نورة اللغيصم
حائل

شــــــــــيــــــــــــــــوخ العــــــــصــــــــــــلان

وفي ذكر بعض شيوخ المسعود من آل اللغيصم قال الأستاذ عبد الله زايد الطويان : " آل لغيصم الكرام شيوخ الشمل لقبيلة المسعود إحدى أكبر جذوم الأسلم من شمر ورئاستهم فيهم قديمة " .
وقال : " الأمير جذيل بن فارس بن دوخي بن شديد بن رخيم اللغيصم زعيم آل مسعود أو المساعيد كما تسميهم بعض العشائر " .
وقال : " أعطي العظيم البلدة المعروفة جنوب جبل سلمى ليتخذها هجرة له ولعربانه وذلك سنة 1338هــ " قال : " وقد تولى ابن لغيصم إمارتها وادارة شؤونها علاوة على مشيخة القبيلة " وقال : " توفي هذا العلم ببلدته العظيم سنة 1379هــ " .
وقال في ذكر ولده سعود : " سعود بن جذيل بن فارس بن لغيصم الذي تولى المشيخة بعد وفاة والده " وقال : " الشيخ سعود الجذيل هو رئيسهم في الوقت الحاضر ويقيم ببلدته العظيم مع كامل أسرته " .
ثم ذكر أحد قدماء آل اللغيصم فقال : " جذيل بن لغيصم الأول الملقب بخيال الصفحة ( صفحة سلمى ) "
ثم ذكر شيخا آخر من آل اللغيصم فقال : " عبد الله بن عواد بن لغيصم شيخ المسعود بحفر الباطن وما حولها وله حي كامل بالحفر يعرف باسمه " ( رجال في الذاكرة ج3 ص18 و 20 و 21 و25

 

 

 

 

 

 

 

 

 

 

بسم الله الرحمن الرحيم ... اليوم سوف اتكلم عن فارس شمـر الشـيخ / فهيـد بـن عـواد اللغيصـم أحد شيوخ قبيله شمـر وهو معروف في الكرم والطيب والرجوله والشجاعه وحميته لـ {شمـر } ويحب الخيـر وهو أحد فريس قبيله شمـر وفزعاته كثيره لابناء شمر ، ومواقفه لاتحصئ وفعله قبل قولـه ، واللغيصم كلهم اهل كرم وطيب وشهامه ورجوله واقول الله يكثر من أمثال الشيـخ / فهــــــــيـــــــد بـــن عــــــــــــواد الـــلـــغـــيصــم ،رجل كريم وطيب السمعه ورجل راعي واجب وفزعات وفخر لقبيله شمر . واطلق المحابيس واعتق الارقاب بعد الله وهو من فريس القبيله ونحب نشيد في هالرجل الفذ ، يغار على اسم شمر وحبيت انزل الموضوع عن احد شيوخ وابطال وفريس قبيله شمر الشيخ / فهيد بن عواد بن اللغيصم ، شيخ قبيله آل مسعود من شمر وآحد شيوخ قبيله شمر آطال الله في عمره وكثر الله من امثاله .

 

 

 

 

 

 

 

 

 

 

ابــداء بــذكر الله عــزيـز الـجـلالي=الـواحـد اللي كـلنا نـلتـجـي له

ثم بعـدها بـدعت زيــن المــثالي=انقى جزيل الشعر واتـرك هزيله

سلام غالي كالعسل حلو حالي=عد الـنبات وعد مانشى مخيله

ومعـها تـراحيبن زهت بـالتــهالي=بشيوخ شمـر والـضيوف الجليله

في حـفـل شيخ" يرتكي لثقالي=بـحـفل اللـغيصم حفلهم ينـعنيله

بمـزايـن ام ارقيـبه الـجمـع غالي=جـمع القبيله وأسم شمـر دليله

فـي شاشة التلفـاز اعلن وقالي=قـال الـمـزايـن بـاسم كل القبيله

سلام ياشيخ" لـه الطيـب عـالي=سـلام يـاشـيـخ" فـعـولـه جـزيـله

سـلام ياشيخ" وفـي الــخـصـالي=الشـيـخ خالـد سعد منهو يجيله

له مـجلس" تـزهـاه صفر الدلالي=وكـفـه بـمـد الطيب ماهي بخيله

يامـكـرم الـظيفان في كـل حـالي=راعي الكرم والطيب هذى حصيله

حـرآ ولــد حـرآ بــروس الــجـبـالي=خـالـد وخـالـد يالبـيـوت ارسلي له

يـامـعـرب الـجـديـن عـم" وخـالي=فـعــلك يابــن جـدعـان يـثمـر ذبيله

واخـوانك مـثلك بالـفعول الجزالي=سلـطان وشـديـد اعتـلـو بالـطويله

اهـل الـكرم والطيب نعم الرجالي=أعـيـال شـيـخ" النـعــم يـنـثـني له

جدعان راعي الطيب عقب اعيالي=عـقب احـرار(ن) ماتـصيد الهـزيله

احـفـاد شيخ" يـضـرب ابـه الـمثالي=احــفـاد شيخ" يفعل المستحيله

عـــــــواد عـــــواد السعــد والـقبالي=شـــيـخ" يـحـل المـعضله يرتكيله

شــيـخ" لـه الـعـلـياء وبـالــعــز نـالي=هـــداج تـيــمـاء للحـمـول الثقيله

عــــــواد اللــغـيصم مثل نور الهلالي=يـــشهــدلــه التاريخ يومـه ولليله

وعـــمــامــك اشـيوخ" رقوا بالمعالي=جـــديــع وفـهـيد كاسبين النفيله

وعـمـك فــهـد طـيـرالسعد بالكمالي=وعــمــوم اللـغيصم المدح يرتقيله

في مدح اللغيصم مايبي له سؤالي=والــفـيـن نــعم" بالشيوخ الأصيله

وتـفـخـر بـهـم شمـر وكـل الشمـالي=شـمــر و شـمــر كـلنا نـنـتمي له

شـمــر و شـمــر مـثـل ظـلن ظلالي=شمـر و شمـرهل النفوس النبيله

شـمــر و شـمــر لاقـدحـت بالفتالي=شمــر و شمــر يالسيوف الصقيله

شـمــر و شـمــر من قـديــم الليالي=شـمــر و شـمــر بـاليالي المهيله

شـمــر و شـمــر في نـهـار الــقتالي=شمــر و شمــر خــصمهـم عزتيله

يــشـهــد لـنـا الـتــاريــخ اول وتــالي=وساع الطعــون الي جروحه عليله

اكـبار الصـحـون مـذبــحين الـحـلالي=فـيـهــم كــرم حـاتــم مورث الجيله

في مدح شمر اشوش وارفع عقالي=الــكــل القبيلـه والشيـوخ الفضيله

وكــل الـقبايـل حــقـوقـهــم بالعدالي=بــلى قــصــور كــلــن بــحقه يكيله

واخـتـامـها صـلـوا عــداد الــخــيــالي=على الرسول عداد مانشى مخيله

 

 

 

 

 

 

 

 

 

 

بدايتا سلام الله على جميع اخواني و اخواتي

أول مبدأ سالفتي انه الطيب ما يجي من فراغ يجب على المرأ او الرجل يدور لين ما يلقاه

و هنا برز الشيخ / عبدالله بن عواد بن اللغيصم شيخ فخذ المسعود ( رحمه الله) وآحد شيوخ قبيله شمر

في طيبه مع ربعه المسعود أولا ثم مع باقي افخاذ شمر ان لهذا الرجل ( رحمه الله)بصمه واضحه للجميع في حب فخذ المسعود و اللغيصم خاص من قبيله شمر

فهو شيخ مبتسم في وجه كل شمري اتى لنخوته على موضوع فهو يمشي مع الصغير قبل الكبير وهنا الدليل على محبته فزعه شمر يوم الانتخاب البلدي لابنه نجم ووقفت شمر وقفه الرجل الواحد لفوز نجم و يستاهل كل ما جاه لان هذا الشبل من الاسد (رحمه الله).

ومن بعده جاء الشيخ / جدعان بن عواد بن اللغيصم ( رحمه الله)

اللسان يعجز عن مدح هذا الرجل فهو كان شغله الشاغل شمر مع انه من اشد المقربين لسلطان الخير لم يطمع بمال أو سلطه كان همه عز شمر محدن جاه و رجع خايب

والطيب الذي عمله هذا الرجل مع ابناء شمر عامه لا يعد و لا يحصى فهو ( منبع الطيب )

ومن بعدهم جاء باقي اخوانهم الكرام و ابناءهم الذين اكن انا و الاسلم و شمر كافه كل الحب و الولاء. الله يخليكم ياللغيصم لقبيله شمر رفعتوا روسنا ونفتخر في اسم اللغيصم وكل شمري ينومس في اسمكم ياللغيصم عسا الله يكثركم ويطول في اعماركم ويكثركم ونعم في الاجواد وتحيــاتي ...