القصيدة بعنوان
(تسلم ياخو جوزاء) للشاعر صالح الخشرم في سفير وفخر قبيلة شمر الشيخ خالد بن جدعان بن اللغيصم
الله على اللي لامشى كنه الطير
يكفخ ولا يطى على القاع لله
لكزس جديد جايبنه بتصدير
توه على التمرين مافيه خله
نبي شمال نهدجه حزة عصير
يم سيفنا اللي بالوازم نسله
يم خالد الجدعان نسل المناعير
ابن اللغيصم ماحلى وقفتله
النادر اللي صخر المال تصخير
لشمر بالصفر خالد زهله
صفر خذاهن شيخنا بالدنانير
بالكاش خالد ياهله مرخيله
طق اللبيد وحضر الصفر تحضير
واضرب بها الميدان في موقعله
ابشر بها ياشيخ لجت مصاطير
وسط اللجان تشوش من شيمة له
تابا ولا ترضى بالاول بتكرير
من الطنا وده لحاله تتله
شمر بكم ياطير شلوى مفاخير
ياهل الكرم والطيب واهل الشكله
تسلم ياخو جوزاء عساكم على خير
دايم على الناموس وانتم هلله