عانيت من كثرة هواجيسي العام
اللي تقل جيشَ يضد الطوايف
ياقف على كبدي طوابير وزحام
سوى معسكر ما يطري نكايف
ياالله على بابك عن صدوف الأيام
تبث أعادتها عقب كل لايف
تعبت أواجهها و أكابر بالأحلام
لو هي غدت عرضة لسالب وحايف
طال المدى مدري تبنيت الأوهام
ما نيب لا صادق ولاني بزايف
عقب الشجاعة خفت أنا حقل الألغام
وعن حلم أخو شماء طويت الصحايف
قمت أحسب الخطوة قبل كل قدام
أعدها ون تو و أوقف لفايف
و الله ماني حاسبَ حسبة إعلام
ولاني على شان الكواليس خايف
مار البلا الشيطان شاطر ولا نام
عقب الشحم خلى عشانا خفايف
لو هو على فكري وحبري والأبهام
لأجيبها لعيون نابي الردايف
لأنازع البيرق من كفوف ضرغام
مار أنها هقوة عليها حسايف
راحت غرابيلَ تقفاه الآلام
بارق صيوفَ فوق صم النوايف