قصيده للشاعرمقبل الدخيل الشمري
وهي نخوى للاخ العزيزالمقدم متعب بن عبدالله الغازي العلياني الشمري وقام معي بكل جهوده الجباره
بيض الله وجهه وهاذه عادت كل طيب جزاه الله كل خير وله مواقف معي ومع غيري تشرف كل شمري
يالله يااللي مـال لغيـرك ترجيـت=ياعالمـن مكنـون عبـدن جحدهـا
يالمقتدر رب الملى باعـث الميـت=يانافـخ ارواح العبـيـد بجسـدهـا
يالله بسمـك ربــي يالله نـاديـت=يرجيك عبدك رافعـن فـوق يدهـا
انت البصير اللي بعرشـك تعليـت=وعبدك بلى حيلك ضعيفـن جهدهـا
يامهلكن ناسن عصاتـن طواغيـت=يافـارج الشـدات مرخـي عقدهـا
ياعلمن مكنـون عبـدك ومااخفيـت=عبـدن ترجـى رحمتـك ياسعدهـا
اطلب منك عفوك والرضاك صليـت=تفرج لمنهـو ضيـم وقتـه هجدهـا
البارحـة فـي مرقـدي ماتهنيـت=وحالي تزايـد بـه عنـاه ونكدهـا
تجتاحن العبره ليارحـت وان جيـت=وطوارين باالقلـب يبلـش عددهـا
تواردن مع كـل صوبـن مواقيـت=والكل منهـن مشعلـن بـي وقدهـا
وروابعـن تاتـي ورود ومفاويـت=والخافي اعضـم لوتكلمـت ودهـا
مالـي جـدى ياكـود جرالتناهيـت=ويسرح بذهني شـي نوبـن لهدهـا
ويسج بي في مجلسي نوب تفويـت=واصحي بكلمت شخص يمي نشدهـا
وان جيت ابرقد يقعدن نوب تصويت=امـي تنـادي مالغـيـره ولـدهـا
اسمع صدى صوته تنـادي ولبيـت=مثل السحاب اللـي بعيـدن رعدهـا
ونا اللوحيد اللي معه داخـل البيـت=من غيبتي حل المرض في جسدهـا
واللوم روحي كل مااصبحت وامسيت=كيف انعميت وصاب عيني رمدهـا
ياحيف انا طاوعت ناسـن سرابيـت=واليـد ماتصفـق لحالـه وحـدهـا
وابنتخي بطيورشلواى الحصاميـت=والحرالاشقر يعجبـك فـي هددهـا
انخـاك يامتعـب ونالـك تعنـيـت=علمك يشـرف والمعالـي صعدهـا
يامعيشن ذيب الخلى طيب الصيـت=من لابتن من عـاش عنـده حمدهـا
ابيك تفـزع يـوم باسمـك تنخيـت=والحرمثـلـك الاوامــر بيـدهـا