بسم الله الرحمن الرحيم
السلام عليكم ورحمة الله وبركاته ..
أبيات بلسان حال المعاقين في المملكة وما يواجهونه من تلاعب بقضيتهم
وتصويرهم بأحسن حال أو أن يتم عرض حالتهم المأسوية .للمتاجرة بها ولبناء العلاقات بين الإعلام والمسئول . وكذلك لإخفاء الحقائق التي لا تغطى بمنخل .. ولكن كلنا أمل في الله عز وجل ثم بالملك لأن يعاقب من قام بالتقصير في حقوق هذه الفئة !
قال المعاق و خاطره يلمس القاع
من كثر صكات تبيح كنينه
عانيت ياللي ما بعد أصغى الاسماع
وعانيت ياللي ما بعد مد عينه
راحت قضيتنا على قلة اسناع
وحقوقنا راحت حسوف وغبينه
و إعلامنا ما بين تاجر و مرتاع
يخاف من ظله عسى الله يهينه
صرنا بضاعة بين شاري وبياع
(أغلى فئة) لا و الله إلا سمينه
ياكل بها الخاين ليا الصبح لا جاع
و لا ترده عن فقاره يمينه
ووزيرنا ما عاد باقي به أصباع
من كثر نشراتَ بفعله تدينه
معاق في التأهيل تكسر له أضلاع
ومعاق تكوى بالملاعق يدينه
ومعاقة يا ناس منها الشرف ضاع
و سوالفَ صارت عليهم مشينه
وحقوقهم في جيوب ساطين الاطباع
و أصحابها ما تسمع إلا رنينه
رحنا عشى لنسور وكلاب وضباع
من في قراه و من بوسط المدينه
ما زانت الخدمة نقوله بالاجماع
و أعانةَ عيت في وقته تعينه
وضعَ يكدر من زمن واضح اشعاع
ما يجحده جحاد شمسَ مبينه
وحنا رجانا بالملك دقل وشراع
ولشاطئ الخيره يقود السفينه
قال المعاق وخاطره يلمس القاع
العرض العادي
