يارب انك ترحم الشيخ عقيل هذا الرجل الشهم المتواضع للصغير قبل الكبير
رجل عرف عنه الحبابه ودماثة الاخلاق والعلم الغانم الطيب
اللهم ارحمه ياعظيم الجلال واغفر له ياكريم .
مرحوم ياشيخٍ شهر بالمعالي=رام المراجل ماوجد به عذاريب
مرحوم يامقدم صعول الرجالي=حزت الفخر يامعربٍ بالمجاذيب
يبكونك التومان دب الليالي=نزالة القفر المطرف اليا هيب
ويبكونك اللي ساكنين الشمالي=لا روحت عوص النضا له جناديب
شمر تواريخه بعاد المدالي=هلك هلا المعروف يامنقع الطيب
ودنياك هذي كلنا به زوالي=مادام به غير الولي عالم الغيب
ويارب ضيفك ياعظيم الجلالي=وانت المعزب ياكريم المواهيب
تجعله بالفردوس داله وسالي=في جنةٍ فيها يطيب المشاريب