شلاش أبن سعيّد رحمه الله .وحب الديار

من قصص الدغيرات عام 1205هـ:(شيخ الدغيرات شلاش ابن سعيّد )
الشيخ شلاش ابن مثال أبن سعيّد رحمه الله .وحب الديار


بعد أحداث معركة العدوه المشهوره 1205 :ـ
هاجرت بعض شمر مع الشيخ / مطلق الجربا من نجد . وحيث انتشرت الدعوه الاصلاحيه بجبل شمر وباديتها .وتم ارسال الشويعر لجباية الزكاة من قبايل جبل شمر وباديتها و "حسب مايروى " ان شيخ الدغيرات شلاش بن سعيّد :حصل له مضايقات من ابن علي امير الجبل ومسئول الزكاة الشويعر لان السلطه الناشئه بالجبل . قوه ضاربه . فقرر شلاش وربعه الرحيل شمالاَ وهي تعد اول هجره لدغيرات كانت مع شلاش بن سعيّد حيث رحلو وانزلو حوران فتره من الزمن ثم رحلو الى سنجار بالعراق .

.الدليل ماجاء بقصيدة شلاش يوم يقول بقصيده :-
ونجيك من( سنجار )فوق الركابـي
ولاينشكي همك على غير اهاليك
يـادار لوحنـا بعيـدن غيابـي
لازم على كور الـواجيب نـاتيـك

الشاهد من القصيده انه يوم يزرع راعي قفار (جو ) كان شلاش بن سعيّد واللي معه من الدغيرات بسنجار بالعراق .
وكانت جو من اهم الاوديه بجبال اجا وكانت ارضها خصبه وتكثر بها النخيل وصالحه لزراعه وتكثر بها المياه والعيون الى وقت قريب جدا وهذا مما جعلها مطمع من الاخرين في الزمن الماضي ..ومن المعلوم بتاريخ الدغيرات القديم ان (جو) منشاء وموطن الدغيرات الاول بجبل اجا واخذو لقب الدغيرات لانهم دغرو جبل اجا تحديد جو اي خذوه ..ولقبو اولادعلي الضيغمي ( الدغيرات ) وهو لقب فخري يشمل جميع فخوذ الدغيرات . وعندما نرجع للقصائد نجد كثيرا ماتغنى الشعراء قديما بلقب الدغيرات على سبيل المثال ..

يقول الشاعر:ـ

الدغيرات اهل حرب ٍ مقدم:: جمعهم من قديم الجمع مابي

يقول الشاعرابن مسطح

نصيحتن من عندنا يالدغيرات = على علوم العام لاتجردوني
انتـم ثقـل شمرولابـه مــراواه = لا نـوخـو لـضـد ماينزحـونـي

يقول الشاعر المطيري :
دغيرات باللقوات يعجبك فعلهم= رمين طفاح ورميهم تقرير

يقول الشاعر ابن قويفل
توي لقيت ضلال راسي وزبني=يرعى جملناهايت ماعقلناه
دغيرات مثل الداب شوفه يهبلي= والداب لوهوميت ماتمثناه

يقول الخمشي العنزي :

والله ماغير الدغيرات عربان= اللي حول ابيوتهم ماحدن جاه
كنه عن اللاهوب بيراس حبران = عمردن مايقدر الصيد يرقاه
هذا جمله من ابيات الشعراء التي ذكرة اسم الدغيرات وهو لقب تفتخر به جميع اولاد علي من شمر ..


المهم . قبل مايرحل شلاش بن سعيّد ارسل الى راعي قفار بوقته يحذره انه لا يتعدى على جو وقال له ((لاتزرع ديرتنا بغيبتنا ))...المهم لم يبالي راعي قفار وهو احد اسرة الخشيمات من بني خالد .وهو رجل فلاّح وكان شجاع وقصّاد وكان له مكانه قويه بلدة قفار فستغل غياب الدغيرات مع شيخهم شلاش بن سعيّد للشمال .فقام الخشيم بزراعة جو . حسب الروايه المشهوره .. فحفر بئر و قام يزراع شعيب جو. و حتى طلع نخل جو تعدى عليه والشاهد قصيدته :ـ(طلعه لنا وعنده نقص الرقابي) الى اخرها . يروى ان راعي قفار لايتجراء على جو . لولا دعم ومؤازرة القوه المؤثره بجبل شمر .وهي جزاءاً وتاديب لشلاش وربعه بسبب موقفه مع رجال المزكيه وارسل الخشيم قصيده الى شلاش بن سعيّد وسبب توجيه القصيده له ..لانه هو كبير ربعه الدغيرات هاكلوقت .. وكانت قصيدة الخشيم عباره عن تحدي وانه بالقوه اخذ جو وقام يزرعها ويجد طلعها .

تقول قصيدة راعي قفار بوقته :

راكب ملحـا سـوات الغرابـي= ذرعانهـا كنـه ثيـاب مداليـك
لشلاش مدينه بسـوادٍ وعتابـي= ونذكرك ياشلاش بعنف ماضيك
(وجو) يسود لك بروس الهضابـي= ويطلع بقنيان سوات المشاكيـك
وطلعه لنا وعنده نقص الرقابـي= واصبح لنا والملك ياشلاش يفديك
واللي مضى منك مقيد بالكتابـي= ونبركك من حيث ماجيت تبريك
ياجيت عند الحكم مثل المصابي= تكلح بنيبانك سوات المساويـك


فبعد مده وصلت القصيده و خبر زراعة جو .لشلاش بن سعيّد قال احد رجال الدغيرات رد ياشلاش على قصيدة الخشيم قال شلاش مانرد الا بعد الفعل . وعلى اثرها رجع من سنجار عائدا الى جبل شمر ومعه ثلاثين ذلول من ربعه الدغيرات وبعد معركه شرسه بين الطرفين قضى شلاش على راعي قفار ومن معه ويدعمه واخرجهم من جو بالقوه وقطع الفرصه نهائيا على من طمع بجو بعد غياب اهلها عنها وعادة جو مره اخرى الى الدغيرات ..وبعد هذه القصه قرر شيخ العرب شلاش بن سعيّد انه يجب ماتكرر مثل سالفة راعي قفار او من غيرهم . فاتفقو اولادعلي الدغيرات انه كل فخذ من فخوذ الدغيرات يحمي ( جو )سنه بمعنى تكون بوجه وحمايت الفخذ الفلاني من الدغيرات .. سنه يحمونه العليان وبعده الغيثه يحمونه سنه وبعده التريبان وبعده الحسين وهكذا باقي فخوذ الدغيرات السبعه .حسب المنقول والمشهور من الروايه ..

وبعد الفعل البطولي والشجاعه النادره والضروف الصعبه من مشقة المسير و المتمثله بالمسافات البعيده من سنجار شمالا الى جبل شمر بحائل جنوبا وناهيك عن الاخطار المحيطه بشلاش بن سعيّد وربعه .. الا ا انه لم يقف مكتوف الايدي وبحكم انه يمثل راس الهرم بالدغيرات فلبد من رعاية مصالح قبيلته الدغيرات والحفاظ على حلال واملاك الدغيرات لاسيما اذا كانت مهمه ولها مكانه كبيره عند جميع الدغيرات مثل.. جو .

المهم بعد مافعل شلاش واسترد جو ..
قصد : شلاش بن سعيّد من العليان الدعيرات الابيات التاليه :

يادارنـا يـامـل نوّ السحـابـي= غرّ المزون اللي تسقي مغـــــانيـك
ونجيك من( سنجار )فوق الركابـي= ولاينشكي همك على غير اهاليك
يـادار لوحنـا بعيـدن غيابـي = لازم علــــى كور المــــواجيب نــاتيـك
ناتي على هجنٍ سـوات الذيابـي= عتلات يقطعن الفيافـي بتفنيـك
القرم يشرف للنضـا كـل نابـي= والعفن يامنبوزة الـورك يتليـك
وحمد يوردهن بعـد كـل هابـي= لاازم ذلولـه ياذلولـي تبـاريـك
ونهار عمره ماحسب له حسابـي= شال الزعل يادارنا عند طاريـك
ضرب نطيحـه وسـده للترابـي= بمفتـل خلـت عظامـــه دهـاليـك
ومعيزركان الزول دونه سرابي= بالشوف عن كل الاخطار قاديك
وانا سعدنا بـه علـى ماهقابـي= ان عشت من دم المعادين نــرويك
هو أن نطحني قلت ماكل شبابـي= وانا ان نطحته قلت هذي بأثر ذيك
عينيك يالبطحا عذيـت شرابـي= (ياجـــــو )خلينـاه باسفـل مطاويـك
يجضر كما يجضر بعيرٍ امصابي= ويسحب برجليه سوات المساكيك
وانا وربعـي لحكمكـم مانهابـي= ويامن طمع بالدار يرى فعلنا بيـك

(المقصود بحكمكم مانهابي :هي القوه الناشئه بجبل شمر كانت تدعم الخشيم راعي قفار )

(وجـــوٍ ) لنـا مانتركـه لذيـابـي= ولاعاش من يزحم وطنا شراويــك
وحنا لمثلـك يالموهّـق ذهابـي= نموت ولا يمشي علـــينا تحديـــك


-------------------------------
اشار لقصة شلاش بن سعيّد
الشاعر المعروف نواف بن نهير العلوي بملحمة غلبا شمر يقول :

غلبا شلاش اللي بسيفه سطايا
من شان جو بحمر الجبالي

يقول شاعر معاصر يذكر فعل شلاش بن سعيّد بجو :-

شـــلاش بـــن سـعـيّـد وفـعـلـه فـريــد
ذبــح مــن طـمـع بـجـو وبـجـو رمـــاه
وفـــك ديـــرة الـعــود مـــن المنـاقـيـد
والـفـعـل لـشــلاش والـمــدح يـزهــاه

ومدحه بابيات الشيخ الشاعر مغير بن غازي ..حيث وصف شلاش بن سعيّد بانه :- فرز الابطال

ياشلاش واعلم لفاني مع مهاديه
وش قربن للوم يافرز الابطال

-------------------------
هذي القصه والابيات احداث تاريخيه جرت تقريبا عام 1205 هـ وهي من تاريخ منطقة جبل شمر تلك الفتره .

*الروات ذكرو بشكل مطول اومختصر قصة وابيات شلاش بن مثال بن سعيّد انه فك جو :-
-1 الراوي مرشد الفدغوش العلوي
-2 عماش النايف السعيّد
-3عفاس السطم السعيّد
-4 دبيس المهلهل العلوي
-5 فهيد الحبك الغيثي
-6 متعب الرسام الشايع .
-7 وغيرهم

*مصارد الكتب التي ذكرت قصة شلاش بن سعيّد
-1 كتاب قصه وابيات
-2 كتاب قبيلة شمر بكتابات العرب والمشتشرقين
-3 كتاب ايام العرب الاواخر
-4 ر.س.د. عنوان المصدر امارة جبل شمر
-5 مخطوطه قديمه عن عماش السعيّد

 

 

 

 

 

 

 

 

 

 

رحمه الله

ويعطيك العافيه

 

 

 

 

 

 

 

 

 

 

الف الف الف نعم بالدغيرات

ورحم الله ابن سعيد

والله لايهينك

 

 

 

 

 

 

 

 

 

 

الف نعم بالدغيرات ورحم الله الشيخ ابن سعيد




وهل الدين الي هو يذكر ماهم اهل دين الاخوان ثيران توحشة ومن كل نوع يدعون الدين ودين بري منهم



ولف شكر

 

 

 

 

 

 

 

 

 

 

الله يغفر له ويرحمه

يعطيك العافيه ماقصرت

 

 

 

 

 

 

 

 

 

 

نرسل الشكر والتقدير اخ سعود العلياني

رحم الله البطل الفارس شلاش بن سعيد

اسمع مقوله ثلاثه فرسان قالو وفعلو ماجد الحثربي قال وفعل وعبيد بن رشيد قال وفعل وشلاش بن سعيد قال وفعل .