[font=Arial Narrow][size=5][B][align=center]عبدالعزيز المتعب بن رشيد ( الجنازة ) غزا يم هالكويت وهو ياخذهم ، وبالطريق وهو راجع لحايل وقف يقسّــم الغنايم ، الى هكالعبد ومعه وليدن له جذيع
وقال الوليد يبه ابي احاتسي الأمير ، وقال ابوه وين تحاتسي الامير ياوليدي واخاف يزعل !؟
قال الولد لا ابد لا تخاف انت بس وصلن إيّاهـ !
وقال العبد يالأميـر هذا ولدي الصغير يبي يسلم عليك !!
وقال الأمير خله يجي .. وجاء الولد قال الامير هااااهـ وش عندك ياوليدي !؟
قال عندي هالقصيدة ياطويل الأمر
حر شلع من قصر حايـل مدلـي**يـارب زيـن بالمدالـي وفوقـه
يشلع وياخـذ بالخضيـرا تعلـي**وكل القبايل شبهروا فـي سبوقـه
كز الوعايـد والرسايـل تصلـي**وقال اطلعوا ياغوش صبيان سوقه
جـاه النويحـر قـال ياهدمتلـي**غدابـه اللـي ماهقابـه لحوقـه
قال انفهج ماني لغوجـك مخلـي**انشد عنه هي غرب ولاشروقـه
وركبوا على مثل النعام المظلـي**والعيد خلي ما لقـى مـن يذوقـه
بس العذارى وعندهن من يسلـي**يذبح ضحاياهن ويرشف مروقـه
وخلاف ذا يا راكب بكـرة لـي**ما هي لحوح بعقب رجلك تسوقه
تلفي لإبن صباح وقت المصلـي**ومكيفـن بيـن البنـادر وسوقـه
قل افتهـم حنـا لـدارك ندلـي**ومي البحر لو هو مـلاح نذوقـه
يمسي بخير وخاطـره مسفهلـي**ويصبح بساطير الفرنجي ريوقـه [/align][/B][/size][/font]
ابن برزان
قصيدة ولد العبد بالأمير عبدالعزيز المتعب
العرض العادي
